දෙමළ ජනයා විසින් අඳුරෙන් ආලෝකයට පැමිණිම ලෙස සළකනු ලබන දීපවාලි උත්සවය මෙවර “කළු දීපවාලි” ලෙස සැමරීමට යාපනය විශ්ව විද්‍යාල සිසුන් තීරණය කර තිබේ.
දේශපාලන සිරකරුවන්ගේ නිදහස පතා මෙසේ “කළු දීපවාලි” සැමරීමට තීරණය කල බව යාපනය විශ්ව විද්‍යාලයේ කලා පීඨ ශිෂ්‍ය සංගමය පවසයි.
මේ අතර දේශපාලන සිරකරුවන් නිදහස් කරන ලෙස බල කරමින් සහ උපවාසික දේශපාලන සිරකරුවන්ගේ ඉල්ලීම් ඉටු කරන තුරු යාපනය විශ්ව විද්‍යාල සිසුන් 17 අඟහරුවාද සිට උපවාසයක් ආරම්භ කරන ලදී.
රජය දෙමළ දේශපාලන සිරකරුවන් නිදහස් කරන බවට අවස්ථා ගණනාවකදී පොරොන්දු ලබාදුන්න ද අදාළ පොරොන්දු ඉටු නොකිරීම ගැන කණගාටු වන බව යාපනය විශ්ව විද්‍යාලය ඉදිරිපිට උපාවසය ආරම්භ කල යාපනය විශ්ව විද්‍යාලයේ කලා පීඨ ශිෂ්‍ය සංගමය කියා සිටී.
දේශපාලන සිරකරුවන් පිළිබඳව සාකච්ඡා කිරීම සඳහා ජනාධිපතිරයාගෙන් ඉතා ඉක්මනින් දිනයක් ඉල්ලා සිටියද හදිස්සි කටයුත්තක් ලෙස නොසලකා තමන් හට ලබන බ්‍රහස්පතින්දා දිනය ලබා දීම ගැන කණගාටු වන බව විශ්ව විද්‍යාල සිසුන් පවසයි.
Facebook Comments
