ඒකාබද්ධ විපක්ෂයේ පාද යාත්‍රාව යම් ප්‍රජාතන්ත්‍රවාදී උද්ඝෝෂණයක් ලෙස ගෙන යනවාට වඩා ව්‍යවස්ථාව වෙනස් කර, ප්‍රජාතන්ත්‍රවාදය, මානව අයිතිවාසිකම්, බලය බෙදීම ආදිය ශක්තිමත් කර, අලුත් ව්‍යවස්ථාවක් හදන ප්‍රජාතන්ත්‍රවාදී ගමනට එරෙහිව ගිය ගමනක් බව නව සමසමාජ පක්ෂයේ ප්‍රධාන ලේකම් ආචාර්ය වික්‍රමබාහු කරුණාරත්න පවසයි.
ආරක්ෂාවක් නැතැයි පවසන හිටපු ජනාධිපති පාර්ලිමේන්තු මන්ත්‍රී මහින්ද රාජපක්ෂ පාද යාත්‍රාවේ ගමන් ගත්තේ ද රජයෙන් ලබා දුන් ආරක්ෂාව ඇතිව බවයි ඔහු පෙන්වා දෙන්නේ.
ජනතාව මිලියන දෙකයි දශම පහක් පැමිණි බව එහි නායකයින් පවසන නමුත් ලංකාවේ ජනගහනයම මිලියන විසිපහටත් අඩු බවත් මිලියන දෙකයි දශම පහක් ගෙනාවා නම් ලංකාවේ ජනගහනයෙන් අටෙන් පංගුවක් විතර එයට පැමිණ ඇති බවත් ඒකාබද්ධ විපක්ෂය ගණනක් හැදුවේ මිනිස්සු ද එතැන තියෙන වැලි කැට ද යි වික්‍රමබාහු ප්‍රශ්න කර සිටී.
තරුණ ජිවිත බිල්ලට දෙන්න එපා
මහින්ද රාජපක්ෂ ඉස්සරහට දාගෙන ඔවුන් ලෑස්ති වෙන්නේ මොනවාටද යන්න පැහැදිලි බවත් ප්‍රජාතන්ත්‍රවාදයට යන ගමන නවත්වනවා කියලා. ප්‍රජාතන්ත්‍රවාදයට ජනතාව යන ගමන වළක්වන්න ගිහිල්ලා නිරපරාදේ තරුණයන් බිල්ලට නොදෙන ලෙසට ඔහු ඉල්ලා සිටිනවා.
විමල් වීරවංශ මේ මර උගුලක් ගෙනැල්ලා මේක සම්මත කළොත් කොළඹ නගරය වටලනවා බව පැවසු බවත් ඔවුන් එසේ වැටලීමට උත්සාහ කලහොත් එය කිරීමට සිදු වන්නේ දහස් ගණන් සමසමාජ කොමියුනිස්ට්කාරයන්ගේ මළ කඳන් උඩින් බවයි ඔහු අවධාරණය කළේ.
මීට පෙර 88-89 කාලවල වීමල් වීරවංශගේ තරුණ කාලෙ දහතුන්වැනි ව්‍යවස්ථා සංශෝධනය මර උගුලක් කියලා එය ආරම්භ කරන්න දෙන්නේ නෑ කියලා සටන කර ලංකාව පුරා සිවිල් යුද්ධයක් කළ නමුත් අන්තිමේ දී ඒ අය මිනී කඳන් වැටෙන කොට ඒවා බේරා ගන්න සිද්ධ වුණේ තමන්ට බව ඔහු වැඩි දුරටත් පවසා සිටියා.
Facebook Comments
