ජනාධිපතිවරයා සහ අගමැතිවරයා ප්‍රමුඛ යහපාලන රජය විසින් දිගින් දිගටම දේශපාලන සිරකරුවන් ඇති බව ප්‍රතික්ෂේප කලද නඩු නොමැතිව රඳවා සිටින සහ දේශපාලන හේතු මත සිරකර සිටින පිළිබඳව සොයා බැලීමට ජාත්‍යන්තර විශේෂඥ මණ්ඩලයක් ලබන මස මුලදී දිවයිනට පැමිණෙනු ඇත.
අත්තනෝමතික රඳවා තබා ගැනීම පිළිබඳ එක්සත් ජාතීන්ගේ ක්‍රියාකාරී කමිටුවේ ප්‍රධානී ආචාර්ය හොසේ අන්තෝනියෝ ගෙවාරා බර්මියුඩේස් ගේ නායකත්වයෙන් යුත් ත්‍රිපුද්ගල මණ්ඩලය ශ්‍රී ලංකාව තුල නඩු නැතිව දේශපාලන සිරකරුවන් දීර්ඝ කාලයක් සිරගත කර තැබීම සම්බන්ධයෙන් සොයා බැලීමට මෙරටට පැමිණෙන බව එක්සත් ජාතීන්ගේ සංවිධානය පවසයි.
දෙසැම්බර් 4 සිට 15 දක්වා ශ්‍රී ලංකාව තුළ රැඳී සිටින විශේෂඥ මණ්ඩලය පොලිස් ස්ථාන, බන්ධනාගාර, බාලක රැඳවුම් මධ්‍යස්ථාන, සමාජ මානසික දුබලතා සහිත පුද්ගලයන් සහ සංක්‍රමණිකයන් රඳවන ස්ථාන කරා ගොස් තොරතුරු එක්රැස් කරගනු ඇතැයි මානව හිමිකම් පිලිබඳ එක්සත් ජාතීන්ගේ මහකොමසාරිස් කාර්යාලය නිකුත් කල නිවේදයේ සඳහන් කර තිබේ.
ශ්‍රී ලංකාව තුල නිදහස අහිමි කිරීමට අදාල විමර්ශණ සඳහා පැමිණෙන විශේෂඥ කණ්ඩායම රජයේ නිලධාරීන් මෙන්ම සිවිල් සමාජ කණ්ඩායම් ඇතුළු අදාළ පාර්ශව හමුවීමට අපේක්ෂා කරන බව එම නිවේදනයේ වැඩි දුරටත් දක්වා ඇත.
Facebook Comments
