පාර්ලිමේන්තුවට ඉදිරිපත් කර ඇති බැඳුම්කර කොමිසම් වාර්තාව ඇතුලු අනෙකුත් මහා පරිමාණ දුෂණ වංචා වාර්තා පිළිබඳ විවාදය පළාත් පාලන ජන්දයට පෙර එක් දිනක් හෝ පවත්වන ලෙසට ජනාධිපතිවරයා අභියෝග කර සිටි.
අදාළ වාර්තා පාර්ලිමේන්තුවේ විවාදයට ගතහොත් බොහෝ දෙනෙකුගේ වැරදි රටට හෙළිවන බව ජනාධිපති මෛත්රීපාල සිරිසේන 25 බ්රහස්පතින්දා පානදුර ප්රදේශයේ පැවති ජනහමුවක් අමතමින් කියා සිටියේය.
බැඳුම්කර කොමිසම් සභා වාර්තාව පිළිබඳ විවාදය සම්බන්ධයෙන් 23 අඟහරුවාදා පැවති විශේෂ පක්ෂ නායක රැස්විමේදී එම විවාදය ජන්දයට පෙර පවත්වන ලෙස තමන් කරන ලද ඉල්ලීමට සභානායක ලක්ෂ්මන් කිරිඇල්ල විරුද්ධ වු බව ජනතා විමුක්ති පෙරමුණේ පාර්ලිමේන්තු මන්ත්රී විජිත හේරත් මාධ්ය වෙත ප්රකාශ කර තිබුණි.
දුෂිත ප්රභූන්ගේ සන්ධානය
මහබැංකු මංකොල්ලය සිදුකරමින් සහ බරපතළ වංචා දූෂණ සිදුකරමින් මේ රටේ රාජ්ය සම්පත් සහ මහජන මුදල් කොල්ලකෑවේ කවුදැයි ජනතාව හොඳින් දන්නා බව කී ජනාධිපතිවරයා ජනතාවට කිසිදා සත්ය වසන් කළ නොහැකි බවට අවධාරණය කළේය.
බැඳුම්කර කොමිෂන් සභා වාර්තාව සහ බරපතළ වංචා දූෂණ පිළිබඳ සොයා බැලීමට පත්කළ ජනාධිපති විමර්ශන කොමිෂන් සභා වාර්තාව වහාම පාර්ලිමේන්තුවට ඉදිරිපත් කරන ලෙස පාර්ලිමේන්තුවේ හඬනැඟු පිරිස් එම වාර්තා පාර්ලිමේන්තුවට ඉදිරිපත් කිරීමෙන් අනතුරුව දූෂිත ප්රභූන්ගේ සන්ධානයක් ගොඩනඟා ගනිමින් එම වාර්තා විවාදයට ගැනීම ප්රමාද කල බව ද මෙහිදී අනාවරණය කළේය.
කොමිෂන් සභා වාර්තා පාර්ලිමේන්තුවට ගෙන ඒමට පෙර දින මෙම ප්රභූ දූෂිත සන්ධානය බොරැල්ලේ නිවසක හමුවී පක්ෂ, පාට, ජාති සහ භාෂා භේදයකින් තොරව සන්ධානගත වූයේ තම දූෂිත ක්රියාවන් වසන් කර ගැනීමට බව ජනාධිපති මෛත්රීපාල සිරිසේන පෙන්වා දුනි.