නව නීති සමඟ මුහුණු පොත මුදා හරින බව අගමැති කියයි

0

ජනතාව අතර ගැටුම් ඇති කෙරෙන වෛරී ප්‍රකාශ සමාජ මාධ්‍ය ඔස්සේ ජන ගත වීම වැළැක්වීම සඳහා නව නීති පද්ධතියක් නීතිපති දෙපාර්තමේන්තුව මඟින් සම්පාදනය කර ඉදිරි සති කිහිපය ඇතුළත සම්මත කර ගැනීමට රජය බලාපොරොත්තු වන බව අගමැතිවරයා පවසයි.

කලාපයේ වෙනත් රටවල අත්දැකීම් උපයෝගී කර ගැනීමට කටයුතු කරන බව මෙන්ම ඒ සඳහා අවශ්‍ය සම්බන්ධීකරණ කටයුතු සිදුකරන ලෙස තමා විදේශ කටයුතු අමාත්‍යාංශයට දැනුම් දුන් බවයි අගමැති රනිල් වික්‍රමසිංහ පවසන්නේ.

සමාජ මාධ්‍ය වල කටයුතු වලට බාධා කිරීමට රජය කටයුතු නොකරන බව කී අගමැතිවරයා එහෙත් යම් නියාමනයක් පැවතීම අවශ්‍ය බව 14 බදාදා කොළඹ ඉසිපතන විද්‍යාලයේ පිහිනුම් තටාකය විවෘත කිරීමෙන් පසු අදහස් දක්වමින් කියා සිටියේය.

එසේම මහනුවර ඇතිවූ තත්ත්වය පාලනය කිරීමේ පියවරක් වශයෙන් තාවකාලිකව පනවා ඇති ෆේස් බුක් තහනම ඉතා ඉක්මනින් ඉවත් කිරීමට කටයුතු කරන බවද පවසන අගමැතිවරයා, ෆේස් බුක් ඔස්සේ වාර්ගික ගැටුම් ඇති වන අන්දමේ තොරතුරු ජනගතවීම වැළැක්වීට ගත හැකි ක්‍රියාමාර්ග සම්බන්ධයෙන් ෆේස් බුක් ආයතනයේ නිලධාරීන් අද (15) මෙරටට පැමිණීමෙන් පසු සාකච්ඡා කිරීමට බලාපොරොත්තු වන බව වැඩි දුරටත් සඳහන් කළේය.

Facebook Comments

wedding people