විශ්වාස භංගයට පක්ෂ වු ආණ්ඩු පාක්ෂිකයන්ට විශ්වාස භංගයක්

0

අගමැතිවරයාට එරෙහිව ඉදිරිපත් කරන ලද විශ්වාස භංගයට සහාය පල කරමින් ජන්දය ලබා දුන් ආණ්ඩුව නියෝජනය කරන මැති ඇමැතිවරුන්ට එරෙහිව කතානායකවරයාට විශ්වාස භංග යෝජනාවක් බාරදෙන බව එක්සත් ජාතික පක්ෂය පවසයි.

ශ්‍රී ලංකා නිදහස් පක්ෂ අමාත්‍යවරුන් ඇතුළු පිරිසට එරෙහිව ඉදිරිපත් කිරීමට නියමිත් මෙම විශ්වාස භංගය යෝජනාවට මන්ත්‍රීවරුන් 15 දෙනෙකු පමණ අත්සන් තබා ඇති බව මෙන්ම එය 06 සිකුරාදා කතානායකවරයාට බාර දෙන බවට පාර්ලිමේන්තු මන්ත්‍රී මුජිබර් රහුමාන් සඳහන් කළේය.

ආණ්ඩුව නියෝනය කරමින් අගමැතිවරයාට විරෝධය පල කිරීම හරහා අදාළ අමාත්‍යවරුන් කෙරෙහි ඇති විශ්වාසය බිඳ වැටී ඇති බවට පවසමින් විශ්වාස භංග යෝජනාව ගෙන එන බවයි රහුමාන් මන්ත්‍රීවරයා පෙන්වා දෙන්නේ.

අගමැති රනිල් වික්‍රමසිංහට විරුද්ධව ඒකාබද්ධ විපක්ෂය විසින් පාර්ලිමේන්තුවට ඉදිරිපත් කරන ලද විශ්වාස භංග යෝජනාව වැඩි ජන්ද 46 කින් ජය ගැනීමට සමත් විය.

යහපාලන රජයේ හවුල්කාර පක්ෂයක් වන ශ්‍රී ලංකා නිදහස් පක්ෂය නියෝජනය කරන ටී. බී. ඒකනායක, සුසන්ත පුංචි නිලමේ, අනුර ප්‍රියදර්ශන යාපා, තිලංග සුමතිපාල, ලක්ෂමන් වසන්ත පෙරේරා, දයාසිරි ජයසේකර, එස්.බී.දිසානායක, තාරනාත් බස්නායක, සුසිල් ප්‍රේමජයන්ත, අනුරාධ ජයරත්න, සුමේධා ජයසේන, ලක්ෂ්මන් යාපා අබේවර්ධන, සුදර්ශනී ප්‍රනාන්දු පුල්ලේ, ඩිලාන් පෙරේරා, චන්දිම වීරක්කොඩි සහ ජෝන් සෙනෙවිරත්න යන මැති ඇමැතිවරුන් අගමැති රනිල් වික්‍රමසිංහට එරෙහිව සිය ජන්දය භාවිතා කළේය.

ඇතැම් ශ්‍රී ලංකා නිදහස් පක්ෂ මැති ඇමැතිවරුන් සහ අතුරුලියේ රතන හිමියන් ජන්දය විමසන අවස්ථාවට සහභාගී නොවීය.

Facebook Comments

wedding people