අග්‍රාමාත්‍යවරයාට එරෙහි විශ්වාසභංග යෝජනාව ඉදිරිපත් වූ පසු තමාට අගමැති ධුරය බාර ගන්නා ලෙසට ආරාධනා ලැබුන ද නායකයාගේ බෙල්ල කපාගෙන තනතුරුවලට පැමිණීමට අවශ්‍ය නැති නිසාවෙන් එම තනතුරු බාර නොගත් බවට සුව ඇමැතිවරයා පවසයි.
“අග්‍රාමාත්‍යවරයාට එරෙහි විශ්වාසභංග යෝජනාව ඉදිරිපත් වූ පසු මට අග්‍රාමාත්‍යධූරය බාරගන්න යෝජනා කළා. නමුත් නායකයාගේ බෙල්ල කපාගෙන තනතුරුවලට පැමිණීමට අවශ්‍ය නැහැ. පොහොට්ටුවේ නායකයින් පවා රහසිගතව කථා කළා. අග්‍රාමාත්‍යධූරය බාරගන්න කියලා යෝජනා කළා. මම එය ප්‍රතික්ෂේප කළා.” යි සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න කියා සිටියේය.
තමන් තනතුරු ලබා ගන්නනේ පස්සෙ දොරෙන් නොව ඉදිරි දොරටුවෙන් බව අලුත්ගම නගර සභා ක්‍රීඩාංගණයේ දී දිළිදු පවුල් 100 කට අලුත් අවුරුද්දට අවශ්‍ය ආහාර සහ උපකරණ පිරිනැමීමේ අවස්ථාවට එක්වෙමින් අමාත්‍යවරයා අවධාරණය කළේය.
තාත්තා අකමැති
නායකයාගේ බෙල්ල කපා තනතුරු ගන්න සදාචාරයක් තම පියා තමන්ට උගන්වා නැති බව කී ඇමැතිවරයා “මගේ තාත්තා ජිවත් වෙලා හිටියනම් කියනවා පුතා බාර ගන්න එපා කියලා මම දන්නවා ඒක” යැයි කියා සිටියේය.
කිසි දිනක කතා නොකල පොහොට්ටු පක්ෂයේ නායකයන් පවා තමන් තනිව හමුවීමට උත්සාහ කල බව පැවසු සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න විශ්වාස භංගයෙන් පසු හමුවෙමුයි ඔවුන්ට දැන්වු බවයි වැඩි දුරටත් සඳහන් කළේ.
Facebook Comments
