අශාන්ගෙන් ද්‍රෝහීන්ට ආරාධනාවක්

0
790
Ivory Agency Sri Lanka
wedding people

අශාන් වීරසිංහගේ “ද්‍රෝහීන් ඕනෑ කර තිබේ” කාව්‍ය සංග්‍රහය 2016 අගෝස්තු 18 දින ප. ව. 4.00 ට කොළඹ 07, මහවැලි කේන්ද්‍ර ශ්‍රවණාගාරයේදී එළිදැක්වීමට කටයුතු යොදා තිබේ.

 

මූලික වශයෙන් වාර්ගික-දේශපාලනික, පුද්ගල සබඳතා සහ සමාජයීය කරුණු යන තේමා තුන ඔස්සේ රචිත කවි 33 කින් සමන්විත මෙය කර්තෘ ප්‍රකාශනයකි. අගෝස්තු 18 පැවැත්වෙන කෙටි එළිදැක්වීමේ හමුවේදී ආචාර්ය සුරේන් රාඝවන්, සේපාල් අමරසිංහ සහ කපිල එම්. ගමගේ යන අය අශාන්ගේ කවි ගැනත්, ඒවායෙහි දෘෂ්ටිවාදීමය දායකත්වය ගැනත් අදහස් පළ කිරීමට සූදානමින් සිටිති.

 

ලංකාව වැනි රටක කලාකරුවා හුදු විනෝදාස්වාද සපයන්නාගේ භූමිකාවෙන් ඉවතට ගොස් සමාජ දෘෂ්ටිවාදය කෙරෙහි බලපෑම් ඇති කරනු සමත් අදහස් දායකයෙකු බවට පත් වීමේ සමාජ-දේශපාලනික අවශ්‍යතාවක් ඇති බව ගම්‍ය කෙරෙන එහි එක් කවි පාඨයක් මෙසේය:

“විසල් තල් උයන් මැද

මරතෝඬි රටා ඇඳි අත්ලක

සිංහලෙන් පෙම් වැකි ලියන

වසන්තේ ගැන දැන්වත්

මඟුලක් නොකිය ඉමු කවියනි

එහෙම රස කාලයක්

තිබිලාම නැත මිහි මත

දකිනු රිසි නම් සියැසින්

අලුතින් හිතමු මිනිසුනි”

මිනිස් වර්ගයා අතර ඇති සකලවිධ වෙනස්කම් එදිරිවාදීකමකින් තොරව දරා සිටින්නට පුරුදු වීම තරම් ජීවත් වීමට පහසු අන් විධියක් නොමැති බව “ද්‍රෝහීන් ඕනෑ කර තිබේ” හි එන කවි බොහොමයකන් ගම්‍ය කෙරෙයි. කවි ආශ්‍රිතව සිදු කළ හැකි සමාජ-සංස්කෘතික- දේශපාලනික සම්මාදම කෙරෙහි උනන්දුවක් දක්වන අයටත්, පොදුවේ කවිය ප්‍රිය කරන සියලු දෙනාටත් අගෝස්තු 18 සවස 04 ට මහවැලි කේන්ද්‍රයේදී පැවැත්වෙන මෙම අවස්ථාවට සහභාගී වීමට හැක.

Facebook Comments