‘රනිල්ට අගමැතිකම ලැබෙන්නේ ආදරයේ අරගලය නිසා’ (VIDEO)

0

රනිල් වික්‍රමසිංහට අගමැතිකමක් ලැබෙන්නේ ජනතා අරගලය නිසා බැව් පෙන්වා දෙන වෘත්තිය සමිති නායකයෙකු එහෙයින් අරගලය ආරක්ෂා කිරීම අගමැතිවරයාගේ වගකීම බව අවධාරණය කරයි.

“මැරයන්ට ඇමතිකම් දෙන ගමන් ගුටි කෑව තරුණයින් හිරේ යවන ආණ්ඩුවක් දැං තියෙන්නේ, රනිල් වික්‍රමසිංහට අගමැතිකමක් ලැබෙන්නේ ආදරයේ අරගලය නිසා, ඒක රකින එක ඔහුගේ වගකීමක්.” යැයි වෘත්තීය සමිති සම්බන්ධීකරණ මධ්‍යස්ථානයේ ප්‍රධානියකු වන රවී කුමුදේශ් කියා සිටියේය.

මැරයෝ ආරක්ෂා කරන ගමන්, ජන අරගලය කල දරුවන් අත් අඩංගුවට ගැනීම වර්තමාන ඇගමැතිවරයාගේ ප්‍රතිපත්‍තිය වී ඇති බවට චෝදනා කරන වෘත්තිය සමිති නායකයා අරගලයට පහර දීම මෙහෙය වු පිරිස් සිටින්නේ අගමැති කාර්යාලයේ බව ද පෙන්වා දෙයි.

ජන සම්මුතිය තුලින් අගමැති තනතුරේ වගකීම් භාරගත හැකිව තිබියදී, ඒ පිළිබදව වැඩි විශ්වාසයක් හෝ උණන්දුවක් නොදක්වා, රාජපක්ෂවරුන්ගේ අනුග්‍රහය යටතේ බලයට පත්වූ වත්මන් අග්‍රාමාත්‍යවරයා, රාජපක්ෂවරුන් ආරක්ෂා කිරීමේ එකගතාවයක කටයුතු කරන්නේද යන්න පිළිබදව බරපතල සැකයක් මතුවන බවද ඔහු පවසයි.

මෙම ප්‍රශ්ණ කිරීම් හා අත් අඩංගුවට ගැනීම හරහා ඔවුන් තව දුරටත් මැර ප්‍රහාර සදහා නිරාවරණය වීමෙන් කිසියම් අනතුරක් හෝ ජීවිත හානියක් සිදු වුවහොත් ඊට වත්මන් අගමැතිවරයා ඇතුළු පාලකයින් වගකිව යුතු බවටද හෙතෙම අනතුරු අඟවයි.

එසේම වත්මන් අගමැතිවරයාට, රාජපක්ෂවරුන් සමග කිනම් රහසිගත එකගතාවයක් තිබුනද, රටේ ජන අරගලයක් නොවන්නට, ඔහු කිසිසේත්ම නැවත අගමැතිවරයෙකු නොවන බව සිහිතබා ගනිමින්, ජන අරගලය රැක ගැනීම සහ එහි අපේක්ෂාවන් යථාර්තයක් බවට පත් කිරීමේ අනිවාර්‍ය වගකීමක් පවතින බවද රවී කුමුදේශ් අවධාරණය කරයි.

පවතින තත්වය යටතේ මැරයන් අරක්ෂා කරමින්, මැරයන් විසින් ඇතිකල මැර ක්‍රියාවන්ට ප්‍රතිචාර දැක්වූ මහ ජනතාව අත් අඩංගුවට ගැනීම, ප්‍රශ්ණ කිරීම වහා නවතන ලෙසත්, මැරයන් වහා අත් අඩංගුවට ගන්නා ලෙසත් බල කරමින් මැයි 18,19,20 තෙදින තුල රට පුරා විරෝධතා සිදු කිරීමට වෘත්තීය සමිති ව්‍යාපාරය තීරණය කර ඇත.

Facebook Comments