ඒකීය භාවයට, බුද්ධාගමට හානියක් නැති විස්සෙන් බලය බෙදෙන්නෙත් නැහැ (VIDEO)

0

ජනතා විමුක්ති පෙරමුණ විසින් ඉදිරියේදී පාර්ලිමේන්තුවට ඉදිරිපත් කිරිමට නියමිත විධායක ජනාධිපති ධුරය අහෝසි කිරිමේ යෝජනාව තුල රටේ ඒකීය භාවයට හානි වන හෝ බුද්ධාගමට ප්‍රමුඛස්ථානය හිමි වන කිසිඳු වගන්තියක් ඇතුලත් නොවන බව අවධාරණය කර සිටි.

එම යෝජනාවට බල බෙදීම සම්බන්ධව කිසිඳු යෝජනාවක් ඇතුලත් නොවන බව මෙන්ම වෙනත් රාජ්‍යයක් ප‍්‍රකාශයට පත්කළහොත් එය වැලැක්වීමට ජනාධිපතිවරයා සතුව ඇති බලතල 20 වෙනි සංශෝධනය හරහා වෙනස් නොවන බව ජනතා විමුක්ති පෙරමුණේ ප්‍රචාරක ලේකම් විජිත හේරත් 06 සිකුරාදා පැවති මාධ්‍ය හමුවක දී කියා සිටියේය.

තව දුරටත් පළාත් සභා දෙකක් ඒකාබද්ධ වීමෙන් පසුව හෝ වෙනත් ආකාරකයකින් වෙනත් රාජ්‍යයක් ප‍්‍රකාශයට පත්කළහොත් එය වැලැක්වීමේ බලය ජනාධිපතිවරයා සතුව තිබෙනවා. අපි ඉතාම වගකීමෙන් කියනවා එවැනි බලය බෙදීමේ යෝජනා කිසිවක් මෙම සංශෝධනයට ඇතුළත් කරන්න ඉඩ තබන්නේ නැහැ. රටේ ඒකීයභාවය, බුද්ධාගමට තිබෙන ප‍්‍රමුඛස්ථානය වැනි කිසිවක් 20වැනි සංශෝධනය නිසා වෙනස් වන්නේ නැහැ. යි මන්ත්‍රීවරයා ප්‍රකාශ කළේය.

විධායක බලතල නැති වුණාම රට අරාජික වන බවට සිදු කරන ප්‍රකාශ තරයේ හෙලා දකින විජිත හේරත් මන්ත්‍රීවරයා රටේ දේශපාලන සංස්කෘතියේ වෙනසක් විය යුතු බව ද යෝජනා කර සිටි.

“විධායක ජනාධිපතිධුරය අහෝසි වීමත් සමග රට බෙදන තැනකට තල්ලු වන බව ඇතැම් අය චෝදනා කරනවා. මේ රටේ ඉතිහාසය තුළ ජනතා විමුක්ති පෙරමුණ රට බෙදීමට විරුද්ධව අරගල කරපු පක්‍ෂයක්. 60,000ක් ජීවිත පරිත්‍යාග කරපු පක්‍ෂයක්. එපමණක් නොව ශ්‍රේෂ්ඨාධිකරණය තුළදී රට බෙදීමට එරෙහිව නඩු තීන්දු ලබාගත්තු පක්‍ෂයක්. ඒ වගේම බෙදුම්වාදයට එරෙහිව යුදමය ක්‍රියාමාර්ග ගතයුතු බවට සෘජු ස්ථාවරයක හිටපු පක්‍ෂයක්. ඒ වගේම ප‍්‍රජාතන්ත‍්‍රවාදී නිදහස අවශ්‍ය සෑම වෙලාවකම එය දිනා ගැනීම වෙනුවෙන් මූලිකත්වය දෙන පක්‍ෂයක්. එනිසා 20වැනි සංශෝධනයෙන් කිසිදු අවස්ථාවක රට බෙදන, රට කැඩෙන තත්වයක් උදා නොවන බව ගෞරවනීය හාමුදුරුවන් වහන්සේලාට අපි අවධාරණය කරනවා. රට බෙදීමට හෝ කැඩීමට කිසිදු අවස්ථාවක ඉඩ නොතබන බවද එම භාරධූර කාර්යභාරය වෙනුවෙන් බැඳී සිටින බවද අපි අවධාරණය කරනවා.”

13වැනි ආණ්ඩුක‍්‍රම ව්‍යවස්ථාව සම්බන්ධයෙන් ජනාධිපතිවරයා සතුව තිබෙන බලතල කිසිවක් 20 වෙනි සංශෝධනයෙන් වෙනස් නොවන බැවින් ආණ්ඩුකාරවරුන් පත්කිරීමේ බලය ඔවුන් ඉවත් කිරීමේ බලය මෙන්ම ඉඩම් බලතල, පොලිස් බලතල එලෙසම පවතින බවයි ජනතා විමුක්ති පෙරමුණේ ප්‍රචාරක ලේකම් විජිත හේරත් වැඩි දුරටත් පෙන්වා දෙන්නේ.

Facebook Comments

wedding people