හෙක්ටර් අප්පුහාමිට ‘කැපිල්ලක්’ දමා පුත්තලම එජාප මණ්ඩලේ කචල්

0

පුත්තලම් දිස්ත්‍රික්කයේ එක්සත් ජාතික පක්ෂ බල මණ්ඩල රැස්වීම පැවැත්වු ආකාරය සම්බන්ධයෙන් පක්ෂ නියෝජිතයින් සිය නොසතුට පළ කර තිබේ.

එක්සත් ජාතික පක්ෂය වෙනුවෙන් දරදිය අදිමින් යහපාලන බිහි කිරීමට වෙහෙස වු ආණ්ඩුව ආරක්ෂා කිරීම වෙනුවෙන් පෙනී සිටින පාර්ලිමේන්තු මන්ත්‍රී හෙක්ටර් අප්පුහාමි හට බල මණ්ඩල රැස්වීමේ අවස්ථාවක් ලබා නොදීම හේතුවෙන් පාක්ෂිකයන් හා දිස්ත්‍රික් බල මණ්ඩල සභාපති රාජ්‍ය අමාත්‍ය නිරෝෂන් පෙරේරා අතර විරසකයක් මතුව ඇත.

පුත්තලම් දිස්ත්‍රික්කය නියෝජනය කරමින් එක්සත් ජාතික පක්ෂයේ නියෝජිතයන් පස් දෙනකු පාර්ලිමේන්තුව නියෝජනය කරන අතර අන් සියලු දෙනා රැස්වීම ඇමතුවද හෙක්ටර් මන්ත්‍රීවරයා හට සභාව ඇමතීමේ අවස්ථාවක් ලබා නොදීමට දිස්ත්‍රික් බල මණ්ඩල සභාපති රාජ්‍ය අමාත්‍ය නිරෝෂන් පෙරේරා වග බලා ගෙන තිබුනි.

නිරෝෂන් අමාත්‍යවරයා සහ හෙක්ටර් මන්ත්‍රීවරයා යන දෙදෙනාම වෙන්නප්පුව ආසනය නියෝජනය කරන අතර එම හේතුව නිසාවෙන් නිරෝෂන් අමත්‍යවරයාගේ “කැපිල්ලට” මන්ත්‍රීවරයා නිතර ලක් වන බව නම සඳහන් නොකරන ලෙස ඉල්ලා සිටි එජාප පළාත් සභා මන්ත්‍රීවරයකු සිලෝන් නිවුස් වෙත කියා සිටියේය.

“නිරෝෂන් ඇමැතිතුමා අගමැතිතුමාට හිතවත් එයා කරන්නෙ එයාට අභියෝගයක් වෙන හෙක්ටර් මන්ත්‍රීතුමා වගේ අයව කපන එක. එයා පුත්තලමේ එක්සත් ජාතික පක්ෂය විනාශ කරන්න හදන්නෙ. අපිට තවත් මේක බලාගෙන ඉන්න බැහැ පක්ෂය කියන්නෙ නිරෝෂන් ඇමැතිතුමාගේ බුදලයක් නෙමෙයිනෙ.” යැයි අනන්‍යතාවය හෙළි නොකරන ලෙස ඉල්ලා සිටි පළාත් සභා මන්ත්‍රීවරයා ශෝකයෙන් යුතුව පැවසීය.

අගමැති රනිල් වික්‍රමසිංහගේ ප්‍රධානත්වයෙන් 8 සෙනසුරාදා හලාවත දී පැවති එජාප දිස්ත්‍රික් බල මණ්ඩලය ඇමතීමට හෙක්ටර් අප්පුහාමිට මෙන්ම කිසිදු පළාත් සභා මන්ත්‍රීවරයකුට අවස්ථාව ලබා දී නැත.

කෙසේ වෙතත් මේ සම්බන්ධව සිලෝන් නිවුස් හෙක්ටර් අප්පුහාමී මන්ත්‍රීවරයාගෙන් විමසීමක් කල අතර එහදී ඔහු කියා සිටියේ පක්ෂයේ තීරණය කුමක් වුවද තමන් පක්ෂ වෙනුවෙන් පෙනී සිටින බවත් එය ඉතාමත් සුලු සිදුවීමක් බවයි.

Facebook Comments

wedding people