වධහිංසාවට බයේ රටින් පලා ගිය පිරිසක් ඕස්ට්‍රේලියාවෙන් ශ්‍රී ලංකාවට

0
1052
Ivory Agency Sri Lanka
wedding people

දේශපාලන රැකවරණ පතා ඕස්ට්‍රේලියාවට සංක්‍රමණය වු ශ්‍රී ලාංකිකයන් පිරිසන් එරටින් පිටුවහල් කර තිබේ.

පිටුවහල් කරන ලද බහුතරය දෙමළ ජාතිකයන් වන නමුත් අවම වශයෙන් එම කණ්ඩායමේ එක් සිංහල අයෙකු සිටින බවටයි ද ගාර්ඩියන් පුවත්පත වාර්තා කරන්නේ.

මෙම පිරිස අතර ඕස්ට්‍රේලියාවේ හය වසරකටත් වඩා කාලයක් රැඳී සිටි පුද්ගලයන් වන අතර දේශපාලන රැකවරණ ඉල්ලා අධිකරණයන්ට අයදුම්පත් ඉදිරිපත් කල පුද්ගලයන් ද ඒ අතර වෙති.

පිටුවහල් කරන ලද බොහෝ දෙනා මීට පෙර ශ්‍රී ලංකා ආරක්ෂක අංශ වලින් පැහැරගත් හෝ වධහිංසාවට ලක් වු පුද්ගලයින් බවයි ද ගාර්ඩියන් වාර්තා කර සිටින්නේ.

මොවුන් සියලු දෙනා යාපනය , වව්නියාව ඇතුළු උතුරු – නැගෙනහිර ප්‍රදේශ වල පදිංචි පිරිමි පුද්ගලයෝ වන අතර 11 අඟහරුවාද උදෑසන ඔවුන් මෙරටට ගොඩ බැස ඇත.

කටුනායක ගුවන් තොටුපොළ ආගමන – විගමන දෙපාර්තමේන්තු නිලධාරීන් වෙත මෙම පිරිස භාර දී ඇති අතර, ඔවුන් මෙම පිරිස ජාතික රහස් තොරතුරු ඒකකයට සහ ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් වෙත වැඩිදුර පරීක්ෂණ සදහා භාර දී තිබේ .

සමූහය අඟහරුවාදා කොළඹදී ගොඩබසින නමුත් ඔවුන්ගේ පවුල් හෝ නීති නියෝජිතයින් සමඟ සම්බන්ධකම් පැවැත්වීමට අවසර ලැබී නැත.

ශ්‍රී ලංකාව පිටුවහල් කරන ලද රැකවණ පැතුවන්ගේ ආරක්ෂාව සම්බන්ධව ජාත්‍යන්තර මානව හිමිකම් සංවිධාන ඇතුළු පිරිස් සිය අවධානය යොමු කර ඇති බවයි ද ගාර්ඩියන් වැඩි දුරටත් වාර්තා කරන්නේ.

Facebook Comments