අයථා ලෙස උපයා ගත් මහ ධනස්කන්දයක් බැංකු වල තැන්පත් නොකර බෞද්ධ විහාරස්ථාන වල සඟවා ඇති බවට සාධාරණ සමාජයක් සඳහා වු ජනතා ව්‍යාපාරය අනාවරණය කරයි.
රාජපක්ෂ පාලන සමයේ මෙන්ම වර්තමාන ආණ්ඩුවේ ඇතැම් මැති ඇමැතිවරුන් පවා මෙසේ යම් යම් තැන්වල විවිධාකාරයෙන් උපයා ගත් මුදල් සඟවා ඇති බවයි එම ව්‍යාපාරයේ කැඳවුම්කාර මහාචාර්ය සරත් විජේසුරිය පෙන්වා දෙන්නේ.
“රාජපක්ෂ පාලන සමය තුල එගොල්ලොත් මුදල් ගබඩා කළා. ඒ ආකාරයෙන් වර්තමානයේ ඇතැම් මැති ඇමැතිවරු ළඟ ඒ ආකාරයෙන්ම තිබෙන බවට වාර්තා තියෙනවා. ඇතැම් විහාරස්ථාන වල හිති ගන්නට බැරි තරම් ධනස්කන්දයක් කාමර වල ගබඩා කරල තියෙන බව අහන්නට ලැබෙනවා,” යි මහාචාර්යවරයා පැවසීය.
රුපියල් පන්දහසේ නෝට්ටුව අවලංගු කරන ලෙසට යෝජනා කරන මහාචාර්ය සරත් විජේසුරිය එය කළු සල්ලි ඡාවාරමට මරු පහරක් වනු ඇති බවටයි විශ්වාසය පළ කරන්නේ.
“මේක සිනහවෙන් බැහැර කළ යුතු කාරණාවක් නෙමෙයි. මේක උපහාසයට කියන කාරණාවක් නෙමෙයි,” කී සාධාරණ සමාජයක් සඳහා වු ජනතා ව්‍යාපාරයේ මහාචාර්ය සරත් විජේසුරිය ඒ හරහා රාජ්‍ය මුදල් පරිපාලනය පිළිබඳ කිසියම් විනයකට මුල පිරිය හැකි බව වැඩි දුරටත් කියා සිටියේය.
Facebook Comments
