රාජපක්ෂ පාලන සමයේ සිදුවු අපරාධ සම්බන්ධව පරීක්ෂණ මෙහෙයවු අපරාධ පරීක්ෂණ දෙපාර්තුමේන්තුවේ ඉහල නිලධාරියෙකු සමාන්‍ය රාජකාරි සඳහා යොදවා තිබේ.
ජනාධිපතිවරයාගේ නියෝග මත පොලිස්පතිවරයා විසින් අපරාධ විමර්ශණ දෙපාර්තමේන්තුවේ සමූහ මංකොල්ල විමර්ශණ අංශයේ ස්ථානාධිපති නිශාන්ත සිල්වා මීගමුව කොට්ඨාශයේ සාමාන්‍ය රාජකාරි සඳහා මාරු කර යවා ඇත.
ආරක්ෂක මණ්ඩලික ප්‍රධනී අද්මිරාල් රවි විජේගුණරත්න අත්අඩංගුවට ගැනීමට නියෝග කරන ලද කොළඹ සහ තදාසන්න ප්‍රදේශ වලින් පුද්ගලයින් පැහැර ගැනීම සම්බන්ධ නඩුවද මෙහෙයවන ලද්දේ නිශාන්ත සිල්වා විසින්ය.
තෙවරක් ආරක්ෂක මාණ්ඩලික ප්‍රධානියා අත්අඩංගුවට ගැනීමට නියෝග කර ඇතත් ඔහු අත්අඩංගුවට ගැනීමට නොහැකි වී ඇත්තේ දේශපාලන බලපෑමි මත බව රහස් පොලිසිය පසුගියදා අධිකරණයට දැනුම් දී තිබුණි.
ආරක්ෂ මාණ්ඩලික ප්‍රධානී අද්මිරාල් රවින්ද්‍ර විජේගුණරත්න හට එල්ල වී ඇති චෝදනා වලින් ඔහුව ආරක්ෂා කරමින් සිටිනුයේ ජනාධිපති මෛත්‍රීපාල සිරිසේන බවට යහපාලන රජය බිහි කිරිමට උර දුන් සිවිල් සංවිධාන කිහිපයක්ම මීට පෙර චෝදනා කළේය.
ඊට අමතරව රාජපක්ෂ පාලනයේ සිදු බරපතල ගණයේ අපරාධ කිහිපයක් වන මාධ්‍යවේදී ලසන්ත වික්‍රමතුංග ඝාතනය, මාධ්‍යවේදී කීත් නොයාර් හට පහර දීම වැනි මාධ්‍යවේදීන්ට සිදුවු අපරාධ විමර්ශණ කිහිපයක්ම මෙහෙය වන ලද්දේ ස්ථානාධිපති නිශාන්ත සිල්වාගේ අධීක්ෂණය යටතේය.
ජනපති මෛත්‍රීපාල සිරිසේනගේ මැදහත් වීම මත සමූහ මංකොල්ල විමර්ශණ අංශයේ ස්ථානාධිපතිවරයා මාරු කර යැවීම පොලිස් දෙපාර්තමේන්තුවේ ස්වාධීන භාවයට දැඩි හානියක් බව හරීන් ප්‍රනාන්දු මන්ත්‍රීවරයා 18 ඉරිදා අරලිය ගහ මන්දිරයේ පැවති මාධ්‍ය හමුවක දී සඳහන් කළේය.
Facebook Comments
