පුත්තලම් දිස්ත්‍රික් පාර්ලිමේන්තු මන්ත්‍රීවරගේ හා පුත්තලම් දිස්ත්‍රික් සංවර්ධන කමිටු සභාපතිවරයාගේ උත්සාහයෙන් ඉදි කිරිම් ආරම්භ කරන ලද පාලමක් නිරීක්ෂණයට ජනාධිපතිවරයා පැමිණීමට නියමිතව තිබේ.
දශක ගණනාවක් තිස්සේ තල්විල මාරවිල හා තොඩුවාව ජනතාව පීඩා විදි තල්විල මෝය අසල මාර්ගයට හෙක්ටර් අප්පුහාමී මන්ත්‍රීවරයාගේ උත්සාහය නිසාවෙන් පාලම් ඉදිරි කිරීමට අවශ්‍ය ආධාර ලබා ගැනීමට හැකි වී ඇත.
පාලමේ වැඩ කටයුතු නිරීක්ෂණය කිරීමට ජනාධිපතිවරයා අප්‍රියෙල් මස 22 පැමිණීමට නියමිත බව හෙක්ටර් මන්ත්‍රීවරයා 8 සඳුදා පාලම ඉදි කරන වැඩ භුමියේ නිරීක්ෂණ චාරිකාවකට එක්වෙමින් කියා සිටියේය.
“අතිගරු ජනාධිපතිතුමත් මේ මම කරපු වැඩසටහන දැකලා, ඒකට එතුමා සතුටු වෙලා එතුමාටත් අවශ්‍ය වෙලා තියෙනවා මේ පාලම නිරීක්ෂණය කරන්න.” යැයි මන්ත්‍රීවරයා සඳහන් කළේය.
තමන් විසින් ලබා ගත් පාලමට බොහෝ දෙනෙකු උප්පැන්න ලියමින් සිටින බවට චෝදනා කළ හෙක්ටර් අප්පුහාමී මන්ත්‍රීවරයා පාලම ඉදිනොකරන බවට පැතිරෙන මඩ ප්‍රචාරයන්ට නොරැවටෙන ලෙස ද ජනතාවගෙන් ඉල්ලා සිටියේය.
ලෝක බැංකු ආධාර යටතේ රුපියල් ලක්ෂ 4520 කට වැඩි වියදමින් ඉදිවන මෙම පාලමෙහි වැඩ කටයුතු මාස 15ක් ඇතුලත අවසන් කිරීමට නිමිතව ඇත.
Facebook Comments
