මුස්ලිම් නායකයන්ට එරෙහිව උපවාසයේ යෙදෙන අතුරලියේ රතන හිමියන් ISIS සංවිධානය හා සමානම විනාශකාරි මාර්ගයකට බෞද්ධ ජනයා ඇඳ දැමීමට උත්සා දරන බවට බෞද්ධ දර්ශනය ගැන පර්යේෂණ කර ඇති වාමාංෂික නායකයෙකු අනතුරු අඟවා තිබේ.
“බුදුන්ගේ සිවුර දාගෙන අබෞද්ධ දර්ශනයක්” දේශනා කරන බවට රතන පාර්ලිමේන්තු මන්ත්‍රී හිමියන්ට දොස් පවරන නව සමසමාජ නායකයා එම අදහස් විසි වරකට පමණ ඉහතදී විශ්ව විද්‍යාල කතිකාවතකදී පරාජය කරන ලද්දක් බව පවසයි.
“බුදු දහම පාතාල ලෝකෙකට ඇදලා දාලා සම්පුර්ණයෙන්ම නිඝන්ඨ දර්ශනයක්.” යයි මාධ්‍යවේදීන් හමුවේ ප්‍රකාශ කළ ආචාර්ය වික්‍රමබාහු කරුණාරත්න ඊට විරුද්ධව නැගී සිටින ලෙස බෞද්ධ ජනතාවට ආයාචනයක් කළේය.
මුස්ලිම් නායකයන්ට එරෙහිව අතුරලියේ රතන හිමියන් ශක්තිමත්ව නැගී සිටීන්නේ ජනාධිපතිවරයාගේ උපකාරයන් නිසාවෙන් යැයි ද නව සම සමාජ පක්ෂ නායකයා චෝදනා කරන ලදී.
“මේ වගේ විශාල කුමන්ත්‍රණකාරී අවුලක් ඇති කරන්න යන ගමනට ජනාධිපතිතුමත් අඩිය තියලා තියෙනවා. ඒ නිසා තමයි රතන සාදුට ධෛර්ය ලැබිලා තියෙන්නේ.” යැයි ආචාර්ය වික්‍රමබාහු කරුණාරත්න වැඩි දුරටත් කියා සිටියේය.
Facebook Comments
