විදේශතව සිටින බැසිල් රාජපක්ෂ මෙරටට දින කිහිපයක් ඇතුලත දී ආර්ථික කටයුතු අමාත්‍යවරයා ලෙස දිව්රුම්දීමට නියමිතව ඇති බව ආණ්ඩුවේ අභ්‍යන්තර ආරංචිමාර්ග පවසයි.
දැනට පොහොට්ටු පක්ෂය නියෝජනය කරන ජාතික ලැයිස්තු මන්ත්‍රීවරයකු ඉල්ලා අස්වී බැසිල් රාජපක්ෂ පාර්ලිමේන්තු මන්ත්‍රීවරයකු ලෙස දිව්රුම් දීමට නියමිත ඇති බවයි එම ආරංචි මාර්ග පවසන්නේ.
මුදල් අමාත්‍යවරයා ලෙස අගමැති මහින්ද රාජපක්ෂ වෙත පැවරී ඇති වගකීම් රාශියක් ද ඔහු යටතට පත් කිරීමට නියමිතව ඇති බව මේ පිළිබඳව විමසු ලීඩර් වෙබ් අඩවියට අගමැති කාර්යාලයේ ජ්‍යෙෂ්ඨ නිලධාරියකු ප්‍රකාශ කර තිබේ.
පොහොට්ටු පක්ෂය විසින් ඉන්දන මිල ඉහල දැමීමට දක්වන විරෝධයත් සමග ආණ්ඩුව අභ්‍යන්තරයේ හටගෙන ඇති අර්බුදය සමතයකට පත්කිරීම සඳහා බැසිල් රාජපක්ෂ වෙත ආර්ථික කටයුතු පිලිබඳ පුර්ණ වගකීම පැවරීමට ජනාධිපතිවරයා හා අගමැතිවරයා එකඟත්වය පළකර ඇතැයි එම වාර්තාවේ සඳහන් කර ඇත.
සමාජ මාධ්‍ය ඔස්සේ පලවී ඇති එවැනි පුවත් පිළිගැනීමට අසීරු බව මෙන්ම මේ අවස්ථාවේදී පාර්ලිමේන්තුවට යාමට බැසිල් රාජපක්ෂගේ කිසිඳු අදහසක් නොමැතිට බැසිල් රාජපක්ෂගේ සමීපතමයෙකු පැවසු බවද ලීඩර් වෙබ් අඩවිය වැඩි දුරටත් වාර්තා කර ඇත.
ඇමරිකාවට ගොස් සිටින බැසිල් රාජපක්ෂ ජුනි 23 වනදා මෙරටට පැමිණීමට නියමිතව බවයි වාර්තා වන්නේ.
Facebook Comments
