ඊ නිව්ස් කතෘ සඳරුවන්ට ජාත්‍යන්තර වරෙන්තුවක්

ලංකා ඊ නිව්ස් වෙබ් අඩවියේ සංස්කාරක ප්‍රදීප් සඳරුවන් සේනාධීර වහාම අත්අඩංගුවට ගන්නැයි ගම්පහ ප්‍රධාන මහේස්ත්‍රාත්වරිය කාවින්ද්‍යා නානායක්කාර විසින් ඉන්ටපෝල් වරෙන්තු නිකුත් කර ඇත.

‘ලංකා ඊ නිව්ස්’ වෙබ් අඩවිය විසින් 2016 අගෝස්තු 24දා පළකර ඇති පුවතකින් ගම්පහ ප්‍රධාන මහේස්ත්‍රාත්වරියට මෙන්ම, අධිකරණයට බරපතල අපහාසයක් සිදුව ඇතැයි ජනාධිපති නීතිඥ හේමන්ත වර්ණකුලසුරිය මහතා අද (25) එම අධිකරණය හමුවේ කල කරුණු දැක්වීමෙන් පසු එම නියෝගය නිකුත් කරනු ලැබිය.

රිවිර’ හිටපු කර්තෘ උපාලි තෙන්නකෝන් පහර දීමේ සිද්ධිය සම්බන්ධයෙන් ගම්පහ අධිකරණයේ දැනට විභාග වෙමින් පවතින නඩුවක් සම්බන්ධයෙන් විනිසුරුවරිය ගත් තීන්දුවක් එම වෙබ් අඩවිය විසින් විවේචනය කර තිබීමත් සැකකරු හඳුනාගැනීමේ පෙරට්ටුවට ඉදිරිපත් කිරීමට පෙර ඔහුගේ ඡායාරූප ලංකා ඊ නිව්ස් වෙබ් අඩවියේ පළ කර අධිකරණයට අපහාස කළැයි ඔහුට විරුද්ධව නගා ඇති චෝදනාව වෙයි.

මේ සම්බන්ධයෙන් ඒ ඔහුට විරුද්ධව ශ්‍රේෂ්ඨාධිකරණයේ නඩු පවරන ලෙසටද නියෝග කෙරුන අතර ඔහු ශ්‍රී ලංකාවට පැමිණියහොත් අත්අඩංගුවට ගන්නා ලෙස ආගමන විගමන පාලක මධ්‍යස්ථානයටද නියෝග නිකුත් කර තිබේ.

උපාලි තෙන්නකෝන් මහතාට පහර දීමේ සිද්ධියට අදාළ නඩුව අද පෙරවරුවේ විභාගයට ගත් අවස්ථාවේදී අධිකරණය සහය දැක්වීමට ඉදිරිපත්වූ ජනාධිපති නීතිඥ හේමන්ත වර්ණකුලසුරිය මිට පෙර මාලඹේ දහම් මාවතේ පදිංචිව සිටි සඳරුවන් සේනාධීර නැමැත්තා, මේවනවිට සරනාගතයකු ලෙස ලන්ඩනයේ පදිංචිව සිටින බවත්, ඔහුට එරෙහිව නඩු පැවරිය නොහැකි වන අයුරින් අධිකරණයට අපහාස කරමින් ව්‍යාජ ලිපිනයක් යොදා ගනිමින් ‘ලංකා ඊ නිව්ස්’ වෙබ් අඩවිය ලන්ඩනයේ සිට පවත්වා ගෙන යන බවත් කියා සිටියේය.
ලංකා ඊ නිව්ස් එරෙහිව පැමිණිළි දා හතරක්

මේ අතර ලංකා ඊ නිව්ස් වෙබ් අඩවිය මගින් ශ්‍රී ලංකාවේ විනිසුරුවරුන් කිහිපදෙනෙකුට හා අධිකරණයට අපහාස වන අන්දමේ ප්‍රවෘත්ති පළකර ඇති බව කියමින් නීතිඥ මධුර විතානගේ හා නීතිඥ හේමන්ත වර්ණකුලසුරිය විසින් අධිකරණයට පැමිණිළි 14ක් ඉදිරිපත් කර තිබේ.

අවස්ථා 14කදී අධිකරණයට අපහාස වන අන්දමේ පුවත් පළකර ඇති බවත්, ලංකා ඊ නිව්ස් වෙබ් අඩවියෙන් සිදු කරන මෙම ක්‍රියාව සම්බන්ධයෙන් විමර්ශණයක් කර සුදුසු දඬුවම් ලබා දෙන ලෙසත් ඉල්ලා ඊයේ (23) පැමිණිළී ඉදිරිපත් කළේය.
සිවිල් සංවිධාන විරෝධය

අධිකරණ ඇමැති විජයදාස රාජපක්ෂ පාර්ලිමේන්තුව තුලදී ලංකා ඊ නිව්ස් වෙබ් අඩවිය හා එහි කතුවරයා සම්බන්ධයෙන් සිදුකල ප්‍රකාශයන් හා හි කතුවරයාට එරෙහිව අධිකරණයට අපහාස කර ඇතැයි චෝදනා කරමින් ජනාධිපති නීතිඥ හේමන්ත වර්ණකුලසුරිය විසින් පෙත්සම් 14 ක් ශ්‍රේෂ්ඨාධිකරණ ලේඛකාධිකාරීට බාරදීමේ සිද්ධිය සිවිල් සංවිධාන දැඩි ලෙස විවේචන කොට ඇත.

මෛත්‍රීපාල සිරිසේන ජනාධිපතිධුරයට පත්කරමින්, රාජපක්ෂ පාලනය පලවා හැර යහපාලන ආණ්ඩුවක් ගොඩනැගීමට සුවිශාල කාර්ය භාරයක් සිදුකල ‘ලංකා ඊ නිව්ස වෙබ් අඩවියට හෝ එහි කර්තෘ සඳරුවන් සේනාධීර හට අනිසි බලපෑම් නොකරන්නැයි සිවිල් සංවිධාන කිහිපයක් ජනාධිපතිවරයා ගෙන් හා අගමැතිවරයා ගෙන් ඉල්ලීමක් ඇති බවද වාර්තා වේ.