වංචා, දුෂණ සහිත රටවල් මෙතෙක් දියුණුව කරා නොගිය බව මෙන්ම එවැනි රටක පාලකයන් තමන් වෙනුවෙන් විනා මහජනතාව හෝ රට වෙනුවෙන් තීරණ නොගන්නා බව ජාතික ප්‍රතිපත්ති සහ අර්ථික කටයුතු රාජ්‍ය අමාත්‍යවරයා පවසනවා.
එවැනි මහජන නියෝජිතයන් තෝරා පත්කරන්නේ මහජනතාව බැවින් යහපත් රටක් නිර්මාණය කිරීම සඳහා මුලික වන්නේ මහජනතාවගේ ආකල්පය බවයි ජාතික ප්‍රතිපත්ති සහ අර්ථික කටයුතු රාජ්‍ය අමාත්‍ය නිරෝෂන් පෙරේරා පෙන්වා දෙන්නේ.
වෙන්නප්පුව, සිංදාත්‍රිය ප්‍රදේශයේ පැවති මා ඔයේ ඉවුරු ඛාදනය වැළක්වීම සඳහා කළුගල් වැටි සකස් කිරීමේ ව්‍යාපෘතියේ සමාරම්භක අවස්ථාවට එක්වෙමින් අමාත්‍යවරයා මෙම අදහස් පැවසීය.
වංචා, දුෂණ, සහ කල්ක්‍රියාව පිළිබඳ පැහැදිලි අවබෝධයක් නොමැති වුණොත්, එසේ පත්වන මහජන නියෝජිතයන් රට වෙනුවෙන් හෝ මහජනතාව වෙනුවෙන් නොව තමන් වෙනුවෙන් තීරණ ගැනීමට කටයුතු කරනවා යැයි ද අමාත්‍යවරයා කීය.
රටේ ජනතාවගේ ආකල්ප රටේ යහපත හෝ විනාශය තීරණය කරන බවත් දේශපාලන නියෝජිතයන් තෝරාගැනීමේදී එය වඩා වැදගත් ස්ථානයක් ගන්නා බව රාජ්‍ය අමාත්‍ය නිරෝෂන් පෙරේරා මෙහිදී වැඩිදුරටත් පැවසීය.
Facebook Comments
