දෙදාහ දශකය මුල් භාගයේ ශ්‍රී ලංකාවේ සිවිල් යුද්ධයට සම්බන්ධ යුද අපරාධ චෝදනා විමර්ශනය කරන එක්සත් රාජධානියේ ත්‍රස්ත පොලීසිය තම පරීක්ෂණ සඳහා ඇසින් දුටු සාක්ෂි වේනම් ඒ තොරතුරු රහසිගතව ලබා දෙන ලෙස ඉල්ලා සිටි.
එම පරීක්ෂණ මාධ්‍යවේදී මයිල්වාගනම් නිමලරාජන් ඝාතනය සහ දෙමළ ජාතික සන්ධානය (TNA) උතුරේ පැවැත්වූ රැලියකට වෙඩිතබා ඝාතන සහ බරපතල ලෙස තුවාල සිදු කිරීම පිළිබඳවය. තුවාල ලද මන්ත්‍රීවරුන් දෙදෙනා එම්.කේ සිවාජිලිංගම් සහ මාවයි සේනාධිරාජාය.
බ්‍රිතාන්‍යයේ ත්‍රස්ත මර්දන පොලීසිය මුලික ලෙසම මෙම තොරතුරු ප්‍රසිද්ධ නිවේදනයක් නිකුත් කරමින් ඉල්ලා ඇත්තේ 2001 වසරේ අග භාගයේ යාපනයේ නාරංතනෙයි ප්‍රදේශයේ පැවැති දේශපාලන රැළියක් අතරතුර TNA ආධාරකරුවන් දෙදෙනෙකු ඝාතනය කිරීම සහ මන්ත්‍රීවරුන් දෙදෙනෙකුට තුවාල සිදුකිරීම සම්බන්ධයෙන් සිදු කරන විමර්ශනයේදී අත්අඩංගුවට ගත් සැකකරුවන් දෙදෙනකු ඇප තම නිදහස්ව සිටියදීයි.
එම අපරාධය සම්බන්ධයෙන් සැකපිට 2023 වසරේ නොවැම්බර් 21 වැනි දින දකුණු ලන්ඩනයේ දී අත්අඩංගුවට ගත් 60 හැවිදිරි පිරිමියකු මේ වන විට පොලිස් අත්අඩංගුවෙන් නිදහස් වී ඇප මත රැදී සිටි.
2000 වසරේදී ඝාතනයට ලක් වු මාධ්‍යවේදී මයිල්වාගනම් නිමලරාජන් ඝාතනය සම්බන්ධයෙන් 2022 පෙබරවාරි මාසයේදී සැකපිට අත්අඩංගුවට ගත් 48 හැවිරිදි පුද්ගලයකුද පරීක්ෂණ පවත්වාගෙන යන අතරතුර විමර්ශනයට යටත්ව නිදහස්ව ඇත.
“සියළු බරපතල විමර්ශන වලදී මෙන් විමර්ශනය දිගටම කරගෙන යාමට අපට හැකි තරම් ඇසින් දුටු සාක්ෂි අවශ්‍ය වේ. ශ්‍රී ලංකාවේ සිවිල් යුද්ධය පැවැති සමයේ මෙම සිදුවීම් පිළිබද තොරතුරු ඇති පුද්ගලයින් තවමත් ඉදිරිපත් නොවු බව අපි දනිමු. පොලීසිය සම්බන්ධ කරගන්නා ලෙස අපි එම පුද්ගලයන්ගෙන් ඉල්ලා සිටිමු. අපි ඔබට සහාය වන්නෙමු. ඔබේ තොරතුරු ඉතා රහසිගතව ආරක්ෂා කරනු ලැබේ,” යි බ්‍රිතාන්‍යයේ ත්‍රස්ත මර්දන පොලීසියේ අණදෙන නිලදාරී ඩොමිනික් මර්ෆී කියා සිටි.
ඔහු තව දුරටත් කියා සිටින්නේ විශේෂයෙන්ම 2000 ගණන්වල මුල් භාගයේ ශ්‍රී ලංකාවේ ජීවත් වු හෝ ඒ වන විට ශ්‍රී ලංකාවේ ජීවත් වු ඥාතීන් හෝ මිතුරන් සිටි, එතැන් සිට විදේශගතව සිටින විමර්ශනයට සහාය විය හැකි සෘජු තොරතුරු ඇති ඕනෑම අයකුට සවන් දීමට නිලධාරීන් සුදානම් බවයි.
තොරතුරු සැපයීම සදහා යුද අපරාධ පරීක්ෂණ කණ්ඩායමට සෘජුවම විද්‍යුත් තැපැල් කරන්න[email protected].
එසේත් නැතිනම්, +44 (0)800 789 321 ට රහසිගතව පොලීසිය අමතන්න.
Facebook Comments
