අතුරුදන් මාධ්‍යවේදී ප්‍රගීත් එක්නැලිගොඩ ආරක්ෂක අංශ භාරයෙහි සිටී නම් වහාම අධිකරණයකට ඉදිරිපත් කරන ලෙස ඉල්ලා ගොනුකර ඇති හබයාස්කෝපස් පෙත්සම අභියාචනාධිකරණ සභාපති විනිසුරු විජිත් මලල්ගොඩ ඉදිරියෙහි කැඳවීමට අභියාචනාධිකරණය ඊයේ (12) තීරණය කළේය.
මෙම පෙත්සම මීට පෙර කැඳවා ඇත්තේ ද ඒ සම්බන්ධ යම් යම් නියෝග ලබා දී ඇත්තේ ද අභියාචනාධිකරණ සභාපති විනිසුරුවරයා ඉදිරියෙහි බැවින් එම පෙත්සම සභාපති විනිසුරු ඉදිරියෙහි කැඳවීමට නියම කෙරිණි.
දීපාලි විජේසුන්දර සහ ලලිත් ජයසූරිය යන අභියාචනාධිකරණ විනිසුරු මඬුල්ල ඉදිරියෙහි මෙම නඩුව කැඳවු අවස්ථාවේදී මෙම තීරණය ගෙන ඇත.
අතුරුදන් මාධ්‍යවේදී ප්‍රගීත් එක්නැලිගොඩගේ බිරිඳ වන සන්ධ්‍යා එක්නැලිගොඩ විසින් මෙම පෙත්සම ගොණු කරන ලදී.
Facebook Comments
