කිලිනොච්චිය කනකපුරම් මහවිරු සුසාන භූමියේ පොදු සමාධියක් ඉදිකිරීමේ කටයුතු ආරම්භ කිරිම ඊයේ (05) කිලිනොච්චි පොලිසිය විසින් නවාතා දැමු බව මහවිරුවන්ගේ පවුල් වල ඥාතීන් පවසති.
යුද්ධයෙන් දිවි අහිමිවූ සිය නෑසියන් සිහිපත් කොට මහවිරුවන්ගේ ඥාතීන් සහ හිටපු කොටි සාමාජිකයන් කිහිප දෙනෙකු එක්ව මෙලෙස සමාධියක් ඉදිකිරීමට උත්සාහ කලේ ශ්‍රී ලංකා රජයේ යුද හමුදා විසින් බිමට සමතලා කරන ලද කිලිනොච්චියේ කනගපුරම් මහවිරු සුසානය පැවති භූමියේය.
කෙසේ වෙතත් එම ස්ථානයට පැමිණි කරයිච්චිය ප්‍රදේශිය සභා ලේකම් ක. කම්සනාදන් තම අනුමැතියකින් තොරව එහි කිසිඳු කටයුත්තක් ඉදිකිරිම සිදු නොකළ යුතු බවට නියෝග කර ඇත.
එයට විරෝධය පළ කළ මහවිරුවන්ගේ ඥාතීන් සහ හිටපු කොටි සාමාජිකයන් මෙය ප්‍රාදේශිය සභාවට අයත් ඉඩම් නොවන බවට පෙන්වා දී අතර මෙතෙක් කාලයක් හමුදාව මෙහි ගොඩනැඟිලි ඉදිකර තිබු අතර එවිට ප්‍රාදේශිය සභාව සහ නීතිය තිබුණේ කොහෙදැයි ප්‍රශ්ණ කරමින් සමාධිය ඉදිකිරීමේ කටයුත්ත දිගටම සිදුකරගෙන ගොස් තිබේ.
අනතුරුව කිලිනොච්චිය නියෝජ්‍ය පොලිස් අධ්‍යක්‍ෂකවරයා ඇතුළු කිලිනොච්චිය පොලීසිය අදාළ ස්ථානයට පැමිණි ඇති අතර පොදු සමාධිය ඉදිකළ පිරිස සමඟ සාකච්ඡා කළහ පොලිසි හදිසි ඇමතුම් අංශයට ලැබුණු ඇමතුමකට අනුව මහවිරු සුසාන භූමියේ නීතිවිරෝධි ලෙස ඉදිකිරීමක් සිදුවන බවට ලැබුණු පැමිණිල්ලක් ගැන සොයා බැලීමට මෙහි පැමිණි බවත්, මේ සම්බන්‍ධයෙන් කිලිනොච්චිය පොලිසියට පැමිණ කරුණු සඳහන් කරන ලෙස හා එතෙක් මෙම ඉදිකිරීම් කටයුතු අත්හිටුවන ලෙස පොලීසිය නියෝග කළ බවයි මහවිරුවන්ගේ ඥාතීන් පවසන්නේ.
මහවිරු දිනය යෙදී තිබු නොවැම්බර් 27 වනදා අතිවිශාල ජන සහභාගීත්වයකින් කිලිනොච්චියේ කනගපුරම් මහවිරු සුසානය පැවති භූමියේ යුද්ධයෙන් දිවි අහිමිවූ සිය නෑසියන් සිහිපත් කොට එම පවුල් වල ඥාතීන් ස්මාරණය කිරීමක්ද සිදු කළේය.
Facebook Comments
