රාජපක්ෂ පාලන සමයේ සිදුව ඇති දුෂණ සහ අක්‍රමිකතාවන්ට වග කිව යුත්තන් අත්අඩංගුවට ගැනීමට ප්‍රමාද වන්නේ වීශ්වාසවන්ත නිලධාරීන්ගේ හිඟ කම නිසා බව ජනපතිවරයා සිවිල් සංවිධාන නියෝජිතයන් හමුවකදී පවසා ඇත.
පසුගිය රාජ්‍ය පාලන සමයේ ඇතමුන් දුෂණ අක්‍රමිකතා සිදු කර ඇති බවට දන්නා නමුත් ඒවා ඉතා සුක්ෂමව සිදු කර ඇති බැවින් එම ක්‍රීයාවන් සිදු කල වුවන් අධිකරණයේදී වැරදිකරුවන් කිරීමට සාක්ෂී සොයා ගැනීමට අපහසු බව සහ රාජපක්ෂ හිතවාදී නිලධාරින් තවමත් නීතිය ක්‍රීයාත්මක කරන ආයතන තුළ සිටීම හේතුවෙන් “හොරු ඇල්ලීම” අපහසු කටයුත්තක් බවට පත්ව ඇති බවයි ජනපති මෛත්‍රීපාල සිරිසේන එහිදී අවධාරණය කර තිබෙන්නේ.
යහපාලන රජය බිහි කිරීමට උර දුන් සිවිල් සංවිධාන නියෝජිතයන් සහ ජනපතිවරයා පසුගියදා හමුවී ඇති අතර එහිදි දුෂිතයන්ට දඬුවම් දීමට විශේෂ අධිකරණයක් සකසන ලෙසට සහ නව ව්‍යවස්ථාව හැකි ඉක්මනින් සකසන ලෙස සිවිල් සංවිධාන නියෝජිතයන් ජනාධිපතිවරයාගෙන් ඉල්ලා ඇති බවටයි සිලෝන් ජර්නල්ස් වෙත වාර්තා වන්නේ.
පිළිගත හැකි ව්‍යවස්ථාවක්
මේ අතර යෝජිත නව ව්‍යවස්ථාව කෙසේ විය යුතුද යන්න පිළිබඳව සියලු පක්ෂ සමඟ සාකච්ඡා කර ඒකාබද්ධ ප්‍රකාශයක් නිකුත් කිරීමට බලාපොරොත්තු වන බවට ජනාධිපති සිරිසේන මෙම සාකච්ඡාවේදී හෙළි කර ඇත.
ව්‍යවස්ථා සම්පාදන කමිටු‍ව ඉදිරිපත් කල යෝජනා සහ සියලු දේශපාලන පක්ෂ සමඟ එක්ව සියලු ජන කොටස් වලට පිළිගත හැකි නව ව්‍යවස්ථාවක් සකසන බවට මෙහිදී ජනාධිපතිවරයා සිවිල් සංවිධාන නියෝජිතයන්ට සහතික වී ඇති බව සිලෝන් ජර්නල්ස් වෙත වාර්තා වේ.
Facebook Comments
