දිවි හිමියෙන් ගොඩනැංවු යහපාලනය විනාශ කර යළිත් වරක් යමපාලනය ගෙනඒමට රාජපක්ෂලා සුදානම් වන බවට සෞඛ්‍ය අමාත්‍යවරයා පවසනවා.
යහපාලනය ආරක්ෂා කර ගැනීමට ජිවිතයත් මරණයත් අතර සටනක නිරතව සිටින බව පවසන රාජිත සේනාරත්න ඇමතිවරයා දේශප්‍රේමින් යැයි කියා ගන්නා පුද්ගලයින් පසුගිය රාජපක්ෂ පාලන සම‍යේ දී රටට කළ අපරාද දෙනෙතින් දුටු බවයි සඳහන් කරන්නේ.
අද රටේ පවතින නිදහස ඇතැමුන් අයුතු ලෙස බුක්ති විඳින බවත් අවශ්‍යතාවයක් නොමැති විෂය ක්ෂේත්‍ර සදහාත් උද්ඝෝෂණ පවත්වන බව පෙන්වා දෙන ඇමතිවරයා නිදහස අයුතු ලෙස බුක්ති නොවිදින ලෙසට ජනාවගෙන් ඉල්ලා සිටී.
යහපාලන රජය අඛණ්ඩව ක්‍රියාත්මක කළ යුතු බව සහ අපිරිසිදු මිනිසුන් අතරින් සිදුවන වැරදි වලට එරෙහිව සටන් කරන බව පවසන ඇමති රාජිත සේනාරත්න කැලෑ නිතිය ක්‍රියාත්මක කරන්න ඉඩ නොදෙන බව හා පසුගිය රජයේ විවිධ අපරාධ වලට සම්බන්ධ වුවන්ට දඬුවම් කරන බවටද අවධාරණය කළේය.
Facebook Comments
