මහ බැංකු බැදුම්කර වංචාව සිදු වී වසර දෙකකට අධික කාලයක් ගත වී ඇතත් රජය විවිධ හේතු ඉදිරිපත් කරමින් දූෂිතයන්ට දඩුවම් කිරීමට ප්‍රමාද කරන බවට දූෂණ විරෝධී පෙරමුණ චෝදනා කරයි.
කොප් වාර්තා, විගණකාධිපති වාර්තාව සහ මහ බැංකු අභ්‍යන්තර විගණන වාර්තාව මහ බැංකු බැදුම්කර ගණුදෙනුවෙන් රටට විශාල මුල්‍ය පාඩුවක් සිදුව ඇති බව හෙළිදරව් කොට තිබියදී සැකකරුවන් අත්අඩංගුවට ගැනීමට රජයට බලකර සිටින බවයි එම පෙරමුණේ සභාපති පුජ්‍ය උලපනේ සුමංගල හිමියන් පවසන්නේ.
පුජ්‍ය උලපනේ සුමංගල හිමියන් ඒ බව පැවසුයේ ශ්‍රී ලංකා මහ බැංකුවේ බැදුම්කර වංචාව සම්බන්ධයෙන් සාක්ෂි ලබාදීමට දූෂණ විරෝධී පෙරමුණ අල්ලස් හෝ දූෂණ විමර්ශන කොමිෂන් සභාව වෙත කැඳවා තිබු 16 බ්‍රහස්පතින්දා ඊට අදාළ ප්‍රකාශය ලබා දීමෙන් පසු මාධ්‍ය වෙත අදහස් දක්වමිනි.
ජාතික හෙළ උරුමයේ නියෝජ්‍ය ලේකම් නිශාන්ත ශ්‍රී වර්ණසිංහ එහිදී පවසා සිටියේ යහපාලන ආණ්ඩුවට එල්ලවන දැවැන්තම දූෂණ චෝදනාවට සම්බන්ධයෙන් නිසි පියවර ගැනීමට රජය අපොහොසත් වීම රජයේ ඉදිරි ගමනට සුබදායක නොවන බවයි.
Facebook Comments
