රාජ්‍ය රහස් හෙළි කිරීම නිසා ඇමරිකා එක්සත් ජනපදය විසින් සොයමින් සිටින ලෝ ප්‍රකට රහස් ඔත්තු විශ්ලේෂකයකුට පලා යාම සඳහා ආරක්ෂාව සැලසු ශ්‍රී ලාංකික කණ්ඩායමට හොංකොං හි දේශපාලන රැකවරණය ලබා දීම ප්‍රතික්ෂේප කළ බව ඔවුන්ගේ නීතිඥවරු ප්‍රකාශ කර ඇත.
තමන් අත් අඩංගුවට ගැනීමට වීරිය කරන වොෂින්ටන් බලධාරීන්ගෙන්ගෙන් පලා ගිය එඩ්වර්ඩ් ස්නෝඩන් සති දෙකක් සඟවා තබා ගැනීමට හොංකොං හිදී සහාය වී ඇති ශ්‍රී ලාංකිකයන් තිදෙනකු සහ පිලිපීන කාන්තාවක් 2013 දී තමන් ගත් අවදානම මුල් වතාවට මාධ්‍යට හෙළි කර තිබුණි.
කැනඩාවේ රැකවරණය බලාපොරොත්තුවෙන් පසු වන මෙම පිරිස පිටුවහල් කිරීමට පෙර අභියාචනයක් ඉදිරිපත් කිරීම සඳහා තව දින 14 ක කාලයක් පමණක් ඉතිරිව ඇති බව ඔවුන් වෙනුවෙන් පෙනී සිටින නීතිඥ ටිබෝ පවසා තිබේ.
මෙම පිරිස පැමිණි රටවල් මේ වන විට නිරුපද්‍රිත යැයි සලකා ආරක්ෂාව සැපයීමට හේතුවක් නොමැති වග පැවසීම “අසාධාරණ” බවයි එක් නීතිඥවරයකු ප්‍රකාශ කර ඇත.
Facebook Comments
