එජාපයේ කබීර් හෂීම් ඇමැතිවරයා සහ එජනිසයේ ලක්ෂ්මන් යාපා අබේවර්ධන රාජ්‍ය ඇමැතිවරයා අතර ඇතිවී තිබෙන ගැටුම කැබිනෙට්ටුව දක්වාම ගොස් ඇති බව වාර්තා වේ.
මෙම ගැටුම හේතුවෙන් කබීර් හෂීම් ඇමැතිවරයා 6 අඟහරුවාදා පැවති කැබිනට් මණ්ඩල රැස්වීම වර්ජනය කර ඇතැයි දේශපාලන ආරංචි මාර්ග අනාවරණය කරයි.
ලක්ෂ්මන් යාපා අබේවර්ධන රාජ්‍ය ඇමැතිවරයාට ලැබීමට නියමිතව තිබූ කාර්යාල කාමරය කබීර් හෂීම් ඇමැතිවරයාගේ කාර්ය මණ්ඩලය අත්පත් කරගැනීම නිසා මොවුන් දෙදෙනා අතර ගැටුමක් ඇතිවිය.
සිය අමාත්‍යංශයට අයත් කාර්යාලය නැවත ලබා දෙන තුරු සිය අමාත්‍ය ධුරයේ වැඩ භාර ගැනීමද ලක්ෂ්මන් යාපා අබේවර්ධන රාජ්‍ය ඇමැතිවරයා ප්‍රතික්ෂේප කර තිබේ.
ජනාධිපතිවරයා හමුවී තමන්ගේ අමාත්‍යාංශයෙන් ලක්ෂ්මන් යාපා අබේවර්ධන ඉවත් කරන ලෙසට කබීර් හෂීම් ඇමැතිවරයා ඉල්ලා ඇති බවට මේ වන විට දේශපාලන අංශයේ රාවයක් පවතී.
Facebook Comments
