සම්මුතිවාදී ආණ්ඩුවේ සඳහා වන ගිවිසුම ලබන අගෝස්තු මස අවසන් වන බැවින් ඒ සඳහා ගන්නා ක්‍රියාමාර්ග සම්බන්ධව ඉදිරි සතියේදී ශ්‍රීලනිපය සහ එජාපය අතර තීරණාත්මක සාකච්ඡාවක් පැවැත්වීමට නියමිත බව වාර්තා වේ.
එම ගිවිසුම සම්බන්ධව පත් කර ඇති පක්ෂ දෙකෙහි සාමාජිකයින් අදාළ ගිවිසුම 2020 දක්වා දිර්ඝ කරනවාද නැතහොත් එය අහෝසි කරනවාද යන්න පිළිබඳව අවසන් තීරණයකට එළඹිමට මෙම සාකච්ඡා පවත්වන බවයි රජයේ ආරංචි මාර්ග පවසන්නේ.
මේ පිළිබඳව අදහස් දැක්වු එජාප ඇමතිවරයෙක් කියා සිටියේ මේ සම්බන්ධව මීට පෙර සාකච්ඡා කිරීමට සිටියද රටේ ඇති වු ආපදා තත්ත්වය හේතුවෙන් කල් දැමු සාකච්ඡාව ඉදිරි සතියකදී පවත්වන බවයි.
එජාපය නියෝජනය කරමින් කබීර් හෂිම්, මලික් සමරවික්‍රම, රවී කරුණානායක, රංජිත් මද්දුම බණ්ඩාර සහ තලතා අතුකෝරාළ මෙම සාකච්ඡා වලට සහභාගී වන අතර ශ්‍රීලනිපය වෙනුවෙන් දුමින්ද දිසානායක, මහින්ද අමරවීර, සුසිල් ප්‍රේමජයන්ත, අනුර ප්‍රියදර්ශ යාපා, ලසන්ත අලගියවන්න සහ ලක්ෂ්මන් සෙනවිරත්න සහභාගී වෙති.
සම්මුතිවාදී ආණ්ඩුවක් පිහිටුවීමට වසර දෙකක කාලයක් සඳහා එජාපය හා ශ්‍රීලනිපය අත්සන් තැබු ගිවිසුම ලබන අගෝස්තු මස 21 පසු අවසන් වේ.
Facebook Comments
