ජිවිත තර්ජන ඇතැයි දැනුම් දෙමින් දෙවතාවක්ම අධිකරණය හමුවට නොපැමිණ සැඟව සිටින බොදු බල සේනාවේ නායක ගලගොඩ අත්තේ ඥානසාර හිමි තමන් ගැන සංවිධානාත්මක අපරාධ වැළැක්වීමේ කොට්ඨාසය මගින් පරික්ෂණයක් පවත්වන ලෙස ඉල්ලා සිටි.
ජාතීන් අතර සංහිඳයාව කඩාකප්පල් කිරීම සම්බන්ධයෙන් සංවිධානාත්මක අපරාධ වැළැක්වීමේ කොට්ඨාසය නිසි පරීක්ෂණයක් නොපවත්වා තමන් අත්අඩංගුවට ගැනීම වළක්වාලමින් නියෝගයක් නිකුත් කරන ලෙසට ඥානසාර හිමි ශ්රේෂ්ඨාධිකරණයට මූලික අයිතිවාසිකම් පෙත්සමක් ගොනු කර තිබේ.
තමන්ට එරෙහි චෝදනා සම්බන්ධව විධිමත් පරීක්ෂණයක් පවත්වා එය අවසන් වන තුරු හෝ නීතිපති උපදෙස් ලැබෙන තුරු අත්අඩංගුවට ගැනීම වළක්වාලමින් අතුරු තහනම් නියෝගයක් නිකුත් කරන ලෙස එහිමියන් අධිකරණයෙන් ඉල්ලා සිටි.
බොදු බල සේනාවේ නායක හිමියන් ශ්රේෂ්ඨාධිකරණයට කල පැමිණිල්ලේ වග උත්තරකරුවන් ලෙස සංවිධානාත්මක අපරාධ වැළැක්වීමේ කොට්ඨාසයේ ස්ථානාධිපති, නීතිපති ඇතුළු පිරිසක් නම් කර ඇත.