පළාත් පාලන මැතිවරණ කල් දැමීමේ කිසිදු යෝජනාවක් කැබිනට් මණ්ඩලයට ඉදිරිපත් නොවුන නමුදු පළාත් පාලන මැතිවරණය එකම දිනකදී තිබිය යුතු යැයි යන යෝජනාව ඉදිරිපත් වී තිබෙන බව සම කැබිනට් මාධ්‍ය ප්‍රකාශක පවසයි.
එක් මැතිවරණයක් සඳහා කෝටි 80ක් වැනි විශාල මුදලක් වැය වන බව මැතිවරණ කොමසාරිස්වරයා පෙන්වා දී තිබෙන බව කී අමාත්‍ය දයාසිරි ජයසේකර කඩින් කඩ මැතිවරණ පැවැත්වීම විශාල අර්බුදයක් බව සඳහන් කළේ 16 බදාදා පැවති කැබිනට් තීරණ දැනුම් දීමේ මාධ්‍ය හමුවේදීය.
පළාත් සභා මැතිවරණයේ ඡන්ද ක්‍රමය වෙනස් වනවා සේම පළාත් පාලන මැතිවරණයේදී ඡන්ද ක්‍රමය වෙනස් විය යුතු බවයි අමාත්‍යවරයා පෙන්වා දෙන්නේ.
එක්සත් ජාතික පක්ෂය කඩින් කඩ මැතිවරණ තැබීම සම්බන්ධයෙන් දිගින් දිගමට විවේචනයක සිටි බවයි ඉඩම් හා පාර්ලිමේන්තු ප්‍රතිසංස්කරණ අමාත්‍ය ගයන්ත කරුණාතිලක පවසන්නේ.
කඩින් කඩ මැතිවරණ තැබීම වෙනුවට එක් දිනකදී මැතිවරණ තැබීමට කටයුතු කරන බව එක්සත් ජාතික පක්ෂය මැතිවරණ වේදිකාවේදී පවා ප්‍රකාශ කර තිබෙන බව අමාත්‍යවරයා වැඩිදුරටත් පෙන්වා දුන්නේය.
Facebook Comments
