කොරෝනා නිරෝධානය සඳහා පුද්ගලයන් ප්‍රවාහනයේ යෙදී සිටි නාවික හමුදාවට අයත් බස් රථ දෙකක් එළවළු ලොරියක ගැටීමෙන් ලොරි රියැදුරා මිය ගොස් තිබේ.
කොළඹ මහනුවර ප්‍රධාන මාර්ගයේ වරකාපොල තැපැල් කාර්යාලය අසළදී අප්‍රේල් 15 බදාදා හවස එම අනතුර සිදුව ඇති බවයි පොලීසිය පවසන්නේ.
තුවාලකරුවන් 29 දෙනකු වරකාපොල රෝහලට ඇතුළත් කර තිබෙන අතර තුවාලකරුවන් අතරින් නාවික හමුදාවේ සෙබළුන් තිදෙනකු ද සිටින බව පොලීසිය සඳහන් කරයි.
නාවික හමුදා අයත් බස් රථ දෙක නිරෝධායනය සඳහා ත්‍රිකුණාමල දිස්ත්‍රික්කයේ සාම්පුර් ප්‍රදේශයට පුද්ගලයන් ප්‍රවාහනය කරමින් සිටි බව පොලිසිය නිකුත් කළ නිවේදනයේ දැක්වේ.
අනතුරින් තුවාල ලබා ඇත්තේ නිරෝධායනයට යොමු කරන ලද පුද්ගලයන් දැයි පොලිසිය පැහැදිලි කර නැත.
කොරෝනා වසංගත තත්වය හේතුවෙන් එළවළු ප්‍රවාහනයද අත්‍යාවශ්‍ය සේවාවක් බවට පත් කර තිබේ.
Facebook Comments
