ආගමික සංහිඳියාව ඇති කරමින් බෞද්ධ උරුමය ආරක්‍ෂා කිරිම යහපාලන රජයේ අරමුණයි – අගමැති

0

සෑම ආගමක්ම එකමුතුව වැඩ කිරිම තුළින් ආගමික අන්තවාදය තුරන් කල හැකි බව අගමැතිවරයා පවසයි.

බුදුන් වහන්සේගේ ධර්මය අනුව සෑම ධර්මයකටම ගරු කරන්නැයි අශෝක අධිරාජයා සෙල්ලිපිවල සඳහන් වන බව පවසන අගමැති රනිල් වික්‍රමසිංහ ජනපති මෛත්‍රීපාල සිරිසේනගේ ප්‍රධානත්වයෙන් ජාතික ආණ්ඩුවක් බිහිකළේ එම වැඩකටයුතු ඉදිරියට ගෙන යාමට බවයි පවසන්නේ.

එක් අතකින් ආගම් අතර සංහිඳියාව ඇති කරමින් අනෙක් අතින් බෞද්ධ උරුම ආරක්‍ෂා කොට දියුණුවට පත් කිරිමට වෙනුවෙන් ජනාධිපතිතුමන් විශාල උනන්දුවකින් කටයුතු කරනවා බවට අගමැතිවරයා කියා සිටියේ 15 අඟහරුවාදා පුරාවිද්‍යා සංරක්ෂණය හා සංවර්ධනය කිරීම සඳහා විහාරස්ථාන 150කට මූල්‍ය ආධාර ලබාදීමේ අවස්ථාවේදීය.

ආගමික සංහිඳියාව ඇති කරමින් බෞද්ධ උරුම ආරක්‍ෂා කිරිම යහපාලන රජයේ යුතුකමක් ලෙස සලකා එම වැඩ පිළිවෙල ඉදිරියට ගෙන යාම රජයේ අරමුණ බවයි අගමැති රනිල් වික්‍රමසිංහ පෙන්වා දෙන්නේ.

‍ථෛරවාදී බුදුදහම ආරක්‍ෂා කරන ලද්දේ ශ්‍රී ලංකාව බව කී අගමැතිවරයා එබැවින් බුදුදහම ව්‍යාප්ත කිරීමට හැකියාව ලැබුණ බැව් පැවසු අතර ශ්‍රී ලංකාවේ බුදු දහම ආරක්‍ෂා නොවුණා නම් අනෙක් රටවලට වන්නේ කුමක්ද යන්න විමසිය යුතු බවයි වැඩි දුරටත් කියා සිටියේ.

 

Facebook Comments