අධිකරණය ඇතුලු නීතිය ක්‍රියාත්මක කරන ආයතන ගැන ජාත්‍යන්තර මට්ටමින් විවේචන එල්ල වෙමින් තිබෙන මොහොතක ශ්‍රී ලංකාවේ ස්වාධීන අධිකරණයක් ස්ථාපිත වෙමින් පවතින බව පෙන්විය හැකි බව මහින්ද සමරසිංහ ඇමැතිවරයා පවසයි.
ජනාධිපති මෛත්‍රීපාල සිරිසේනගේ ධුර කාලය සම්බන්ධව ශ්‍රේෂ්ඨාධිකරණයේ මතය විමසීම උදාහරණ ලෙස දක්වමින් 25 බදාදා පැවති මාධ්‍ය හමුවක දී ඇමැතිවරයා මේ බව කියා සිටියේය.
යුද අපරාධ සම්බන්ධයෙන් පරීක්ෂණ පැවැත්වීමට ජාත්‍යන්තර විනිසුරන් දායක නොකර ගන්නා බවට මෙරටේ දී මෙන්ම විදේශ වලදීද ජනාධිපතිවරයා දැනුම් දී ඇති බවයි ඇමැතිවරයා පවසන්නේ.
ශ්‍රී ලංකාව ඇතුළුව රටවල් 47 එක්ව ජිනිවාහි මානව හිමිකම් කවුසිලයේදී ඒකමතික සම්මත කර ගත් යෝජනාවේ යුද අපරාධ සම්බන්ධ අපක්ෂපාති පරීක්ෂණයකට විදේශීය විනිසුරන් සම්බන්ධ කර ගැනීමට ජනාධිපතිවරයා සිය ධුර කාලයේදී ඉඩ නොතබන බවට කිහිප වරක්ම ප්‍රකාශ කළ ආකරය ද මහින්ද සමරසිංහ අමාත්‍යවරයා මෙහිදී සිහිපත් කළේය.
කොමිසම් විභාග සඳහා විදේශවලින් ගෙන එන ලද ඇතැම් විනිසුරුවරුන් ආණ්ඩුව අපහසුතාවයට පත් කිරීමට කටයුතු කළ බවට ද සමරසිංහ ඇමැතිවරයා චෝදනා කළේය.
Facebook Comments
