ලේ සුවඳට ඉව අල්ලන තර්ජනයෙන් මර්ධනයෙන් මරා දැමීමෙන් ගිණි තැබිමෙන් රාජ්‍ය පාලනය පිළිබඳ විශ්වාසය තබන නායකයෙකු පත්වීමට මව්බිම තුල යළි කිසිඳු ඉඩක් ලබා නොදෙන බව අවධාරණය කරන එක්සත් ජාතික පක්ෂ ප්‍රබල රාජ්‍ය අමාත්‍යවරයෙකු මෙරටට අවශ්‍ය වන්නේ මනුෂ්‍යකම දන්නා පාලකයෙකු බව කියා තිබේ.
ඒකාධිපති නයකයෙකු බිහිවීම වළක්වාලීමට අවශ්‍ය ඕනෑම කැප කිරිමක් සඳහා තමන් සුදානම් බව විදුලිබල හා පුනර්ජනනීය බලශක්ති රාජ්‍ය අමාත්‍ය අජිත් පී. පෙරේරා 21 බ්‍රහස්පතින්දා පාර්ලිමේන්තුවේදී කියා සිටියේය.
“මේ රටට විකල්පය ප්‍රජාතන්ත්‍රවාදය විශ්වාස කරන නායකයෝ. මේ රටට අවශ්‍ය හිට්ලර් කෙනෙක් නෙමෙයි. රටට අවශ්‍ය මනුස්ස කම අගය කරන සිංහල,දෙමළ.මුස්ලිම් සියලු ජාතීන්ට එක හා සමානව සලකන මනුස්සකම තියන නායකයෝ”
“ලේ සුවඳට ඉව අල්ලන තර්ජනයෙන් මර්ධනයෙන් මරා දැමීමෙන් ගිණි තැබිමෙන් රාජ්‍ය පාලනය පිළිබඳ විශ්වාසය තබන නායකයන්ට මේ ශ්‍රේෂ්ඨ මාත්‍රභූමිය තුල නැවත ඉඩක් නොමැති බව වගකීමෙන් කියන්න අවශ්‍යයි. එසේ නොවන තැනට වැඩ කරන්න අවශ්‍ය කරන ඕන කැප කිරිමක් කරන්න අපි සුදානම්” යි අමාත්‍යවරයා අවධාරණය කළේය.
ප්‍රජාතන්ත්‍රවාදය පිළිබඳ අත්දැකීම නොමැති පුද්ගලයින් හා බොහෝ දැන උගත් ගෞරව සම්පන්න භික්ෂුන් වහන්සේලාත් රටට හිට්ලර්වරු ඉල්ලා සිටින බව කී විදුලිබල හා පුනර්ජනනීය බලශක්ති රාජ්‍ය අමාත්‍ය අජිත් පී. පෙරේරා වැරදි තෝරා ගැනිම් හරහා රට විනාශයට යන බවට වැඩි දුරටත් අනතුරු අඟවීය.
Facebook Comments
