“හිට්ලර්” සංඝාරාධනාවට එරෙහිව ජනපතිගෙන් ප්‍රහාරයක් (VIDEO)

0

දශ ලක්ෂ ගණනින් මනුෂ්‍ය ඝාතනය කළ ඇඩොල්ෆ් හිට්ලර්ගේ මඟ ගොස් මිලිටරි පාලනයක් ඔස්සේ හෝ රටේ පාලනය ලබා ගන්න ලෙස සංඝ නායකත්වය විසින් ගෝඨාභය රාජපක්ෂ හට කරන ලද ආරාධනාවට දැඩි ප්‍රහාරයක් එල්ල කරන ජනාධිපතිවරයා එය සංඝා වරද්දා ගන්නා තැනක් යැයි කියා තිබේ.

2015 ජනවාරි 08 පෙර මෙරට ජනතාවට ඒකාධිපති පාලනයේ ස්වරූපය දැනී තිබු බව කී ජනපති මෛත්‍රීපාල සිරිසේන ජනතාව විසින් තමන්ව ජනාධිපති ධුරයට පත් කර ගන්නා ලද්දේ එම දැඩි පාලනයට එරෙහිව බවයි පෙන්වා දෙන්නේ.

“මේ රටේ ජනතාව මාව ජනාධිපතිවරයා විදියට පත් කර ගත්තේ ආහාර ඉල්ලලා නෙමෙයි, රස්සාවල් ඉල්ලලා නෙමෙයි. 2015 ජනවාරි 08 මේ රටේ ජනතාව රටේ වෙනසක් කරලා පරිවර්තනයක් කරලා ඉල්ලුවේ ප්‍රජාතන්ත්‍රවාදය සහ නිදහස ජිවත්විමේ නිදහස හා අයිතිය” යැයි ජනාධිපතිවරයා අවධාරණය කළේය.

ප්‍රජතන්ත්‍රවාදය, මානව හිමිකම් සහ මාධ්‍ය නිදහස ශක්තිමත් කරමින් දුන් නිදහස වැරදියට භාවිතා කරමින් එම ආයුධයෙන්ම තමන් හට පහර දෙන බවට ජනාධිපති මෛත්‍රීපාල සිරිසේන 21 බ්‍රහස්පතින්දා නිකවැරටියේ පැවති ජන හමුවක දී චෝදනා කරන ලදී.

ප්‍රජාතන්ත්‍රවාදය තහවුරු කිරීමට බොහෝ පිරිස් වෙහෙස වු බව සිහිපත් කල ජනාධිපතිවරයා ඒකාධිපතීත්වය හා මිලිටරි පාලනය ඉල්ලා සිටින අයවලුන් එම අත්දැකිම පිළිබඳව අනවබෝධයෙන් කතා කරන බව කියා සිටියේය.

රට තුල සිටින උගත් බුද්ධිමත් පිරිස් හා ප්‍රජාතන්ත්‍රවාදයට ගරු කරන පිරිස් සමඟ එක්ව ඒකාධිපතීත්වයක්, අඥදායකත්වයක් හෝ හමුදා පාලනයක් යළි ඇති වීමට ඉඩ නොතබන බවට ජනාධිපති මෛත්‍රීපාල සිරිසේන වැඩි දුරටත් සහතික විය.

Facebook Comments