නිරවිකරණය සහ සංවර්ධනය පිළිබඳ සංසදය ( (FORUM OF DISARMAMENT & DEVELOPMENT)) විසින් ප්‍රකාශිත පශ්චාත් – යුද ශ්‍රී ලංකාව යුද අවි වෙළඳාම පිළිබඳ සම්මතියට ප්‍රවේශ විය යුත්තේ ඇයි? යන කෘතිය මාධ්‍ය වෙත නිකුත් කර තිබේ.
ලෝකය පුරා කිසිම නියාමනයක් නොමැතිව සංසරණය වන අවි හරහා ලෝක ජනතාවට එල්ල වන අභියෝග ජය ගෙන ස්ථිරසාර සාමය ළගා කර ගැනීමට නම් යුද අවි වෙළදාම පිළිබද සම්මුතියේ රාජ්‍ය පාර්ශවකරුවකු විය යුතු බව නිරවිකරණය සහ සංවර්ධනය පිළිබඳ සංසදයේ සම්බන්ධීකාරක විද්‍ය අභයගුණවර්ධන 21 බ්‍රහස්පතින්දා කොළඹ ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේදී කෘතිය එළි දැක්විමේ උත්සවයේදී කියා සිටියේය.
පශ්චාත් යුද රටක් වන ශ්‍රී ලංකාව හැකි ඉක්මනින් මෙම සම්මුතියේ පාර්ශවකරුවකු විය යුතු බව පෙන්වා දුන් විද්‍ය අභයගුණවර්ධන යුද අවි නිපදවන්නේ නැති රටවලට මේ සම්මුතිය හරහා ප්‍රයෝජන රැසක් ලැබෙන බවයි පවසන්නේ.
දළ ඇතුන්, දිවියන් ,කබල්ලෑවන් වැනි සතුන් විශාල වශයෙන් මෙම නවීණ ස්වයංක්‍රිය ගිනි අවි යොදාගෙන දඩයම් වන බව මෙම අවස්ථාවට සහභාගී වූ හිටපු රේගු අධ්‍යක්ෂ සමන්ත ගුණසේකර සඳහන් කළේය.
පසුගිය වසරේ කාගෙත් අවධානයට ලක් වූ ගලිගමුවේ ඇතාගේ ඇගේ කිලෝ 25ක් පමණ ලෝහ තිබූ බවත් එම ඇතා ලෝහ ඇගේ දරාගෙන දිගු කලක් ජීවත් වන්නට ඇති බවත් ඔහු කියා සිටියේය.
මෙම සියලු උවදුරු වලට හේතු වන්නේ අනවසරයෙන් පරිහරණය වන ගිනි අවි බව හිටපු රේගු අධ්‍යක්ෂ සමන්ත ගුණසේකර වැඩි දුරටත් පෙන්වා දුනි.
Facebook Comments
