මුම්බායි ඉන්නා සිසුන්ගෙන් කොළඹ එන්න වැඩියෙන් සල්ලි අරං

0

විදේශීය පෞද්ගලික විශ්ව විද්‍යාල සිසුන් කොරෝනාවෙන් බේරා ගැනීම සඳහා රජයේ වියදමින් ගෙන්වා ගනිද්දී රාජ්‍ය ශිෂ්‍යත්ව ලාභීන්ට ලංකාව බලා ඒම සඳහා වැඩිපුර මුදල් ගෙවන්නට සිදුවී ඇතැයි හෙළිවී තිබේ.

ලංකාවේ ප්‍රමුඛතම ගුරු සංගමයක් විසින් අනාවරණය කර ඇති පරිදි එළඹෙන සෙනසුරාදා ඉන්දියාවේ සිට මෙරටට පැමිණීමට නියමිත එක් සිසුවකුගෙන් මුම්බායි-කොළඹ ගමන් වාරයක් සඳහා අය කර ඇති ගුවන් ටිකට් පත් ගාස්තුව රුපියල් හැටදාහකට ආසන්න වෙයි.

මෙම සිසුන්ගේ එක් ගමන් වාරයකට රුපියල් 58650 අය කර ඇතත්, සාමාන්‍යයෙන් යාම් ඊම් සඳහා ගෙවිය යුතු ගාස්තුව වන්නේ රුපියල් 45000 කට ආසන්න මුදලක් පමණක් බව ලංකා ගුරු සංගමය පෙන්වා දෙයි.

කොරෝනා වසංගතය හමුවේ ප‍්‍රථමයෙන්ම චීනයේ වූහාන් නගරයේ අධ්‍යාපනය ලැබූ සිසුන් ලංකාවට රැගෙන එන ලද්දේ කිසිදු මුදල් අය කිරීමකින් තොරව බව පෙන්වා දෙන ලංකා ගුරු සංගමයේ ප්‍රධාන ලේකම් ජෝසප් ස්ටාලින් අවධාරණය කරන්නේ ඒ අනුව එක් සිසු කණ්ඩායමකට එක් ආකාරයකටත්, රාජ්‍ය ශිෂ්‍යත්ව ගෙන ඉන්දියාව ඇතුළු වෙනත් රටවලට ගොස් සිටින සිසුන්ට වෙනස් ආකාරයකටත් සැලකීම බරපතල ගැටලූවක් බවයි.

මෙම තත්වය තුළ සිසුන් රජයේ වියදමින් ගෙන්වා ගැනීමට කටයුතු යොදන ලෙසත්, මේ වන විට ගුවන් ටිකට් පත් සඳහා ගෙවා ඇති මුදල් ආපසු ගෙවීමට කටයුතු යොදන ලෙසත් ලංකා ගුරු සංගමය විදේශ කටයුතු අමාත්‍ය දිනේෂ් ගුණවර්ධනගෙන් හා උසස් අධ්‍යාපන අමාත්‍යවරයාගෙන් ඉල්ලා සිටී.

ඉන්දියානු රාජ්‍ය ශිෂ්‍යත්ව

බන්දුල ගුණවර්ධන අමාත්‍යවරයා උපුටා දක්වමින් ලංකා ගුරු සංගමය සිය නිවේදනය මගින් පෙන්වා දෙන්නේ සිසුන් 580ක් ඉන්දියානු රාජ්‍ය ශිෂ්‍යත්ව මත ඉන්දියාවට ගොස් අධ්‍යාපනය ලබන බවයි.

එසේම නේපාලය, බංගලිදේශය හා පකිස්ථානයේ ද ලාංකික සිසුන් අධ්‍යාපනය ලබති.

“මින් බහුතරයක් රාජ්‍ය ශිෂ්‍යත්වධාරීන්ය.”

නිවේදනය මගින් ගුරු සංගමය වැඩි දුරටත් පෙන්වා දී ඇත්තේ කෝවිඞ් 19 වෛරසය හේතුවෙන් ඇති වී තිබෙන තත්වයන් පාලනය කිරීම වෙනුවෙන් චීනය, යුරෝපා සංගමය ආදී විවිධ රටවලින් ලංකාවට ආධාර ලැබී ඇති තත්වයක් තුළ වසංගත තත්වය මත විදේශ රටවල අතරමං වූ සිසුන් ගෙන්වා ගැනීමට මුදල් අය කිරීම බරපතල කනගාටුදායක තත්වයක් බවයි.

Facebook Comments

wedding people