නොබෙදුණු සහ බෙදිය නොහැකි රටක් තුල බලය බෙදා හදා ගනිමින් ජිවත් වීමට දෙමළ ජනතාව සුදානම් බව දෙමළ ජාතික සන්ධාන පාර්ලිමේන්තු මන්ත්‍රී එම්. ඒ සුමන්තිරන් කියා තිබේ.
එක රටක් වශයෙන් ඉදිරියට යාමේ සමාජ ගිවිසුම ඇති කල යුතු බවට නව ව්‍යවස්ථාව සම්බන්ධයෙන් ජනතාව දැනුවත් කිරීම සඳහා පැවති සම්මන්ත්‍රණයකට එක්වෙමින් මන්ත්‍රීවරයා අවධාරණය කළේය.
දැනට කෙටුම් පත් කර ඇති ව්‍යවස්ථා යෝජනාව තුල බලය බෙදීම සම්බන්ධව ඇත්තේ එක්සත් ජනතා නිදහස් සන්ධාන පළාත් සභා මහ ඇමැතිවරුන් ඉදිරිපත් කල යෝජනා පමණක් බවයි සුමන්තිරන් මන්ත්‍රීවරයා පෙන්වා දෙන්නේ.
“කෙටුම් පතේ තියෙන බලය බෙදීමේ යෝජනා සියල්ලම යු.පී.එෆ්.ඒ චී‍ෆ් මිනිස්ටර්ස් ඉදිරිපත් කරපු යෝජනා පමණයි වෙන මොනවත් නැහැ.” යි මන්ත්‍රීවරයා කියා සිටියේය.
බලය බෙදීම සමබන්ධව දෙමළ ජාතික සන්ධානයේ ස්ථාවරය ව්‍යවස්ථාව කමිටුවට යෝජනා කර ඇති බව කී මන්ත්‍රී සුමන්තිරන් කෙසේ වෙතත් ප්‍රධාන පක්ෂ දෙක එකඟ වන යෝජනාවකට තම සහාය හිමි වන බවයි වැඩි දුරටත් අවධාරණය කරන්නේ.
Facebook Comments
