පාකිස්තාන නව අගමැතිගෙන් පුංචි කැබිනට් මණ්ඩලයක්

පාකිස්තාන නව අගමැතිවරයා ලෙස තේරි පත් වු ඉම්රාන් ඛාන් සිය අමාත්‍ය මණ්ඩලය අමාත්‍යවරුන් විසි දෙනෙකුට සිමා කර තිබේ.

ෆෙඩරල් අමාත්‍යවරුන් 15 දෙනෙකුගෙන් සහ උපදේශකයන් 5 දෙනෙකුගෙන් යුතුව මෙම නව කැබිනට් මණ්ඩලය 20 සඳුදා දිවුරුම් දීමට නියමිත බවයි විදෙස් මාධ්‍ය වාර්තා කරන්නේ.

මෙම අමාත්‍යවරුන් සඳහා වූ නිර්දේශ නව අගමැතිවරයා විසින් අනුමත කර ඇති බවයි පී.ටී.අයි. පක්ෂයේ ප්‍රකාශක ෆවාඩ් චෞද්රි පවසන්නේ.

නව කැබිනට් මණ්ඩලයේ ෆෙඩරල් අමාත්‍යවරු

01. නීති හා අධිකරණ අමාත්‍ය ෆාරෝ නසීම්,
02. ප්‍රාන්ත හා ප්‍රත්‍යන්ත පළාත් අමාත්‍ය තරීක් බෂීර් චීමා,
03. මානව හිමිකම් අමාත්‍ය ෂිරීන් මසාරී,
04. කනිජ තෙල් අමාත්‍ය ගුලාම් සර්වා ඛාන්,
05. ආරක්ෂක නිෂ්පාදන අමාත්‍ය සුබෙයිදා ජලාල්,
06. තොරතුරු හා විකාශන අමාත්‍ය ෆවාඩ් අහ්මෙඩ්,
07. ආරක්ෂක අමාත්‍ය පර්වේස් ඛාත්ටක්,
08. සෞඛ්‍ය අමාත්‍ය අමීර් මෙහෙමූඩ් කියානි,
09. විදේශ කටයුතු අමාත්‍ය ෂාහ් මහමූඩ් කුරේෂි,
10. මුදල් හා ආර්ථික කටයුතු අමාත්‍ය අසාද් උමර්,
11. දුම්රිය අමාත්‍ය ෂෙයිඛ් රෂීඩ් අහ්මෙඩ්,
12. අභ්‍යන්තර පළාත් සම්බන්ධතා අමාත්‍ය ෆෙහ්මීඩා මිර්සා,
13. තොරතුරු තාක්ෂණ හා විදුලි සංදේශ අමාත්‍ය ඛලීඩ් මැක්බූල් සිධීඛි,
14. අධ්‍යාපන, ඉතිහාස සහ සාහිත්‍ය උරුමය අමාත්‍ය ෂෆ්කාත් මහ්මූඩ් සහ
15. ආගමික කටයුතු අමාත්‍ය නූර් උල් හක් කද්රි

මොහොම්මද් ෂෙහ්සාද් (සංවිධාන), ඉෂ්රාත් හුසේන් (ආයතනික ප්‍රතිසංස්කරණ සහ ලුහුපෙවත), අබ්දුල් රසාක් ඩවූඩ් (වාණිජ, රෙදිපිළි, කර්මාන්ත සහ නිෂ්පාදන හා ආයෝජන), අමීන් අස්ලාම් (කාලගුණ විපර්යාස) සහ සාහීර් බාබර් අවාන් (පාර්ලිමේන්තු කටයුතු) උපදේශක මණ්ඩලය ලෙස පත්කිරිමට නියමිතව තිබේ.

පසුගිය ජූලි 25දා පැවති මහ මැතිවරණයෙන් ඉම්රාන් නායකත්වය දැරූ පී.ටී.අයි. පක්ෂය ජයග්‍රහණය කිරීමෙන් පසුව සුළු පක්ෂ කිහිපයකද සහයෝගය ලබා ගනිමින් ඔහු පාකිස්තානයේ 22 වැනි අගමැතිවරයා ලෙස දිවුරුම් දෙනු ලැබීය.