රටේ ලොකුම ප්‍රශ්නය ගැන සජිත්ට අවබෝධයක් නෑ (VIDEO)

0

එක්සත් ජාතික පක්ෂයෙන් ජනාධිපතිවරණයට ඉදිරිපත් වීමට උත්සාහ දරන සජිත් ප්‍රේමදාස අමාත්‍යවරයා හට ජාතික ප්‍රශ්නය පිළිබඳව එතරම් අවබෝධයක් නැති බවට ස්වයං නීර්ණ අයිතිය වෙනුවෙන් සටන් වඳින වාමාංෂික නායකයෙකු ප්‍රකාශ කර තිබේ.

අගමැති රනිල් වික්‍රමසිංහ හට ජාතික ගැටලුව සම්බන්ධව වඩා වැඩි අවබෝධයක් ඇති බව පවසන නව සම සමාජ පක්ෂ නායකයා ජාතික ප්‍රශ්නය පිළිබඳව අවබෝධයක් ඇතිව වැඩ කටයුතු කරන ලෙසට තමන් කරන ලද ඉල්ලීම අනුව සජිත් ප්‍රේමදාස අමාත්‍යවරයා යම් යම් වැඩ කටයුතු කළ බව ද කියා සිටී.

“ලංකාවේ ප්‍රධාන ප්‍රශ්නය ඒකයි. ඒ ප්‍රශ්නය තමයි අපි විසඳ ගන්න ඕන. ඒක විසඳ ගත්තොත් තමයි රටවල් දියුණු වෙන්න පුලුවන්.” යැයි ආචාර්ය වික්‍රමබාහු කරුණාරත්න කොළඹ පැවති මාධ්‍ය හමුවක දී අවධාරණය කළේය.

මැලේසියාව දියුණු තත්වයට පත්වුයේ ද ජාතීන් අතර එක්සත් බව ඇති කිරීම නිසාවෙන් බව ආචාර්ය වික්‍රමබාහු කියා සිටියේය.

කෙසේ වෙතත් මෙරට එවැනි තත්ත්වයක් උදා කිරීමට මේතාක් සජිත් ප්‍රේමදාස අමාත්‍යවරයා හට හැකි වී නොමැති බව කී නසසප නායක ආචාර්ය වික්‍රමබාහු කරුණාරත්න එය වඩා හොඳින් කළ හැකි පුද්ගලයා අගමැති රනිල් වික්‍රමසිංහ බව ද වැඩි දුරටත් පැවසීය.

ඒකීය ශ්‍රී ලංකාවක් තුළ උපරිම බලය බෙදා හැරීමක් සිදු කරන බවට සජිත් ප්‍රේමදාස ඇමැතිවරයා පසුගිය දා යාපනයේ පැවති මාධ්‍ය හමුවක දී සහතික වී තිබුනි.

Facebook Comments

wedding people