මහින්ද රාජපක්ෂට පාර්ලිමේන්තු බහුතරය සකසා ගැනීමේ දුෂ්කරතාව හමුවේ එජාප ප්‍රබලයන් පිරිසක් සිරගත කිරිමේ සැලසුමක් දියත් කර ඇති බවට වාර්තා වේ.
මේ වන විටත් එජාපයේ ප්‍රබල සාමාජිකයන් කිහිප දෙනෙකුට අවශ්‍ය චෝදනා සකස් කරමින් සිටින බවයි නම සඳහන් කිරීමට අකමැති වු උසස් පොලිස් නිලධාරියෙක් සිලෝන් නිව්ස් හා කියා සිටියේ.
අත්අඩංගුවට ගැනීමට අවශ්‍ය එජාප ප්‍රබලයන්ගේ නම් ලැයිස්තුවක් පොලිස් ප්‍රධානීන් හට දැනටමත් ලබා දී ඇති බවයි එම නිලධාරියා ප්‍රකාශ කළේ.
“රාජිත, චම්පික, රවී, මංගල ,මුජිබර්, අජිත් පෙරේරා වගේ අය තමයි ලැයිස්තුවේ ඉන්නෙ. දැනටමත් CID එකට අල්ලස් එකට වගේ තැන් වලට යවලා ඒ අයට තියෙන පැමිණිළි ගැන හොයනවා.” යි නම සඳහන් කරනවාට බියක් දැක්වු පොලිස් නිලධාරියා පැවසීය.
ඇප ලබා ගැනීමට නොහැකි වන පරිදි සිකුරාදා හෝ සෙනසුරාදා දිනවල ඔවුන් අත්අඩංගුවට ගන්නා ලෙස උපදෙස් ලබා දී ඇත්තේ එජාපය දුර්වල කිරිමේ අරමුණ ඇතිව බවට පොලිස් නිලධාරියා විශ්වාසය පළ කළේය.
ලබන පස් වැනිදා පාර්ලිමේන්තුව රැස් කිරීමට ජනාධිපතිවරයා එකඟතාව පල කර ඇති බව ඔහු විසින් පත් කරන ලද අගමැති මහින්ද රාජපක්ෂ සරසවි ආචාර්යවරුන් පිරිසක් හමුවේ ප්‍රකාශ කර තිබේ.
Facebook Comments
