ජනපති මැතිසබය විසුරුවයි: මහින්දගෙන් වාර්තා දෙකක්

0
2613

ජනාධිපතිවරයා විසින් පාර්ලිමේන්තුව විසුරුව හැරීමත් සමඟම අගමැති ධුරයට පත්වු මහින්ද රාජපක්ෂ ලෝක වාර්තාවකට හිමිකම් කියා තිබේ.

පාර්ලිමේන්තුව විසුරුවා හැරීමේ තීරණය ක්‍රියාත්මක වුවහොත් ලොව එක් දිනක්වත් පාර්ලිමේන්තුවට නොගිය අගමැතිවරයා සහ අඩුම කාලයක් ශ්‍රී ලංකාවේ අගමැති ධුරයේ සිටි තැනැත්තා ලෙස හිටපු ජනපති වාර්තා පොත් අතරට එක් වනු ඇත.

එස්.ඩබ්ලිව්.ආර්.ඩී බණ්ඩාරනායක 1959 දී ඝාතනය කිරීමත් සමඟ අගමැති ධුරයට පත්වු විජයානන්ද දහනායක මාස 3 ක කෙටි කාලයක් අගමැති ධුරය දරා තිබුණි.

සිිරිමාවෝ බණ්ඩාරනායක අගමැති ධුරයට පත්වීමත් සමඟ අගමැති ධුරය අහිමි වු විජයානන්ද දහනායක තම බඩු බාහිර රැගෙන බසයක නැඟි ගාල්ල බලා පිටත් විය.

විජයානන්ද දහනය අගමැති ධුරය දැරු මාස 3 ක කාලය තුල ඔහුට කර ගත හැකි වු එකම කාර්යය වුයේ අරලිය ගහ මන්දිරයේ තාප්පය අගල් 6 කින් උස වැඩි කර ගැනීම පමණි.

නොවැම්බර් 26 වනදා ජනාධිපති මෛත්‍රීපාල සිරිසේනගේ කැමැත්තට අගමැති ධුරයට පත්වු මහින්ද රාජපක්ෂ හට කිසි වැඩක් සිදු කිරීමට ඉඩ නොලැබුණු අතර අගමැතිවරයා ලෙස නිල නිවස වන අරලිය ගහ මන්දිරයේද රැඳී සිටීමට ඔහුට අවස්ථාව ලැබුනේ නැත.

Facebook Comments

Ivory Agency Ad