පවතින දේශපාලන අර්බුදය හමුවේ පාර්ලිමේන්තුව තුල කලහකාරි හැසුරුණ බවට චෝදනා එල්ල වී ඇති මන්ත්‍රීවරයෙකු පාර්ලිමේන්තු සභා ගැබට පැමිණි පොලිස් නිලධාරීන් ගැන ප්‍රශ්න කර තිබේ.
පාර්ලිමේන්තුවේ සිදුවු දෝෂ සහගත සිද්ධීන් සියල්ල තම කරපිටින් යවා අනෙක් පාර්ශව නිදොස් වීමේ උත්සාහයක නිරත වන බවට ප්‍රසන්න රණවීර මන්ත්‍රීවරයා නිවේදනයක් නිකුත් කරමින් චෝදනා කරයි.
එසේම කතානායකවරයා පෙරටු කර ගනිමින සභාවට පැමිණි පොලිස් නිලධාරීන් ගැන ප්‍රශ්න කරන පොහොට්ටු මන්ත්‍රීවරයා ඔවුන් එජාප මැරයන් ද යන්න සැක පළ කර ඇත.
පොලිස් නිල ඇඳුමක තිබිය යුතු නිල ලාංඡන හෝ අංක තහඩු කිසිවක් පාර්ලිමේන්තු සභාවට පැමිණි පොලිස් නිලධාරින්ගේ නොදුටු බවට ප්‍රසන්න රණවීර මන්ත්‍රීවරයා සඳහන් කර ඇත්තේ පාර්ලිමේන්තු සම්ප්‍රදාය නොදන්නා බව ප්‍රදර්ශනය කරමිනි.
පොලිස් නිලධාරින් හට පාර්ලිමේන්තුව සභාවට ඇතුල් වීමට අවසර නැති නුමුත් කතානායකවරයාගේ ඉල්ලීමට අනුව ඔවුන්ට සභාවට පැමිණිය හැක.
එසේ පැමිණෙන විට තම නිල ඇඳුමේ ඇති අංක තහඩු, බඳ පටි සහ පොලිස් හිස් වැසුම ඉවත් කර පැමිණීම පාර්ලිමේන්තු සම්ප්‍රදාය වන අතර පසුගිය 16 සිකුරාදා ද පොලිස් නිලධාරින් පැමිණියේ ඒ ආකාරයටය.
පසුගිය වසරේ මාර්තු 8 වැනි දා කතානායකවරයා නියෝගයක් අනුව දිනේෂ් ගුණවර්ධන මන්ත්‍රීවරයා පාර්ලිමේන්තුවෙන් ඉවත් කිරීමට පොලිස් නිලධාරීන් පැමිණෙයේ ද මෙසේය.
කතානායකවරයාගේ ආරක්ෂාව වෙනුවෙන් පැමිණි පොලිස් නිලධාරියකුට ප්‍රසන්න රණවීර මන්ත්‍රීවරයා විසින් කම්මුලට පහර දෙන සහ මිරිස් කුඩු දියර වලින් පහර දෙන විඩියෝ සමාජ ඡාලා වල දැක ගත හැකි විය.
කෙසේ වෙතත් එදින සිද්ධියේදී පොලිස් නිලධාරින්ට හෝ යම් රාජ්‍ය නිලධාරියකුට අපහසුතාවයක් ඇති වී නම් ඒ පිළිබඳව මන්ත්‍රීවරයා සිය නිවේදනයෙන් කණගාටුව පළ කර තිබේ.
Facebook Comments
