බලය බෙදීමට රනිල් හරස් වු බවට ජනපතිගෙන් චෝදනාවක්

0
302
wedding people

ශ්‍රී ලංකාවේ ජාතික ප්‍රශ්නය විසඳීම සඳහා බලය බෙදීමට අසමත් වීම සම්බන්ධයෙන් ජනාධිපතිවරයා රනිල් වික්‍රමසිංහට වරද පවරා තිබේ.

බලය විමධ්‍යගත කිරීම සඳහා “ලොකුවට කතා කරන” එක්සත් ජාතික පක්ෂ නායකයා මේ වනවිට බෙදා ඇති බලතල ආපසු පවරා ගැනීම සඳහාත් කැබිනට් මණ්ඩලයට යෝජනා ඉදිරිපත් කළ බව ජනපති ශ්‍රී ලංකාවේ සිටින විදේශීය මාධ්‍යවේදීන් සමඟ කියා ඇත.

“රනිල් වික‍්‍රමසිංහ මහත්තයා මේ බලය බෙදීම ගැන ලොකුවට කතා කරන කෙනෙක්. මට වඩා හුඟාක් එහා ගිහින් ඉන්න එක්කෙනෙක්. නමුත් පසුගිය අවුරුදු තුන හමාරකට වැඩි කාලය තුළ ඔහු බෙදුණු බලය ආපහු ගන්න කැබිනට් මණ්ඩලයට යෝජනා ගණනාවක් ගෙනාවා,” යි ජනපති මෛත්‍රීපාල සිරිසෙන් කියා සිටියේය.

බලය බෙදීම වෙනුවට බලය ආපසු ලබා ගැනීමට රනිල් වික්‍රමසිංහ යෝජනා රාශියක් ගෙන ආ බව මාධවේදීන් අමතා කී ජනපති “පළාත් පළාන, අධ්‍යාපන, ආර්ථික කටයුතු, තිරසර සංවර්ධනය, පරිසරය, ඒ වගේ දේවල්වලදි පළාත් සභාවට තිබෙන බලය ආපසු ගන්න ඔහු යෝජනා රාශියක් ගෙනාවා” යි වැඩි දුරටත් සඳහන් කළේය.

කෙසේ වෙතත් නව ව්‍යවස්ථාවක් රටට හඳුනවා දී පළාත් සභාවලට බලය වැඩි කිරීමට රනිල් වික්‍රමසිංහ දැරූ උත්සාහය පාර්ලිමේන්තු ධුර කාලය හමාර වීමට පෙර බලය පවරා ගැනීමට හේතුවූ බව ගෝඨාභය රාජපක්ෂ කොස්ගම පැවති ප්‍රසිද්ධ රැස්වීමක් අමතා කියා තිබුනි.

Facebook Comments