පෝරකයට අශිර්වාද කල කාදිනල් හිමිගෙන් මානව හිමිකම් විරෝධයක්

0

එල්ලුම් ගසට සිය ආශිර්වාදය ලබාදුන් ශ්‍රී ලංකාවේ ඉහලම කතෝලික නායකත්වය මානව හිමිකම් ගරු කිරීමට එරෙහි තම මතවාදය නැවතත් ප්‍රසිද්ධියට පත් කර තිබේ.

මිනිසුන්ගේ මානව හිමිකම් “මායාවක්” ලෙස හැඳින්වු කොළඹ අගරදගුරු කාදිනල් මැල්කම් රංජිත් හිමිපාණෝ එය බටහිර රටවල අලුත් ආගම වී ඇති බව ප්‍රකාශ කළහ.

“ආගම අදහනව නම් මානව හිමිකම් ගැන කතා කරන්න ඕනෙ නැහැ. මානව හිමිකම් වලටත් එහා ගිය විදියට ජිවත් වෙන්න පුලුවන්. මානව හිමිකම් වල එල්ලී ගෙන ඉන්නෙ ආගම් අදහන්නෙ නැති මිනිස්සු,” යනුවෙන් කාදිනල් හිමියන් 23 ඉරිදා ඒකල දේවස්ථානයක දේව මෙහෙයට එක්වෙමින් පැවසීය.

අනාගමික සමාජයක් නැති බව කී කාදිනල් හිමියෝ මිනිස් ජිවිතය කෑම,බීම, ඇඳුම් පැලඳුම් සහ සැප විහරණයක් පමණක් නොවද බව ද කියා සිටියහ.

අගරදගුරු කාදිනල් මැල්කම් රංජිත් හිමිපාණෝ මීට පෙර ජනාධිපතිවරයා විසින් එල්ලුම් ගහ ක්‍රියාත්මක කිරීමට සුදානම් වන විට එයට අශිර්වාද කළ ද ඉන් දින කිහිපයකට පසු මරණ දණ්ඩනයට විරෝධය පල කරමින් කතෝලික සභාවේ නායක පාප් තුමා විසින් නිවේදනයක් නිකුත් කර තිබුනි.

ශ්‍රී ලංකාවේ කතෝලික රදගුරු මණ්ඩලය සහ ලංකා ක්‍රිස්තියානි සභාව ද ජාත්‍යන්තර හා දේශීය මානව හිමිකම් සංවිධාන මෙන්ම මරණ දඬුවමට විරෝධය පල කර තිබුනි.

Facebook Comments