කොවිඩ් එන්නත ලබාගැනීම තුළින් ගැබිනි කාන්තාවන්ට කිසිදු සංකූලතාවක් ඇති නොවන බව දිවයිනේ ප්‍රමුඛතම ප්‍රසව හා නාරි විශේෂඥ වෛද්‍යවරයකු ප්‍රකාශ කර තිබේ.
විශේෂඥ වෛද්‍ය සනත් ලැනරෝල් පෙන්වාදෙන්නේ මේ වනවිට ගැබිනි කාන්තාවන් 5,000කට පමණ කොවිඩ් වෛරසය ආසාදනය වී ඇති බවයි.
“හොඳම එන්නත මොකක්ද කියලා අපෙන් අහනවා. හොඳම එන්නත තමයි ඔබට ලැබෙන පළවෙනි එන්නත. මේ එන්නත ලබාගැනීම තුළින් ගැබිනි කාන්තාවන්ගේ කුස තුළ සිටින දරුවාට ගැටලුවක් වෙනවා කියලා දැනට තියෙන විද්‍යාත්මක පරීක්ෂණවලින් සනාථ කරලා නෑ.”
වෛරසයෙන් ආරක්ෂාවීම සඳහා එකම විසදුම එන්නත්කරණය පමණක් බවයි විශේෂඥ වෛද්‍ය සනත් ලැනරෝල් පවසන්නේ.
නිරෝධායන ඇඳිරිනීතිය ක්‍රියාත්මක වුවද ගැබිනි කාන්තාවන්ගේ සායනික කටයුතු අඛණ්ඩව පවත්වාගෙන යන බවද විශේෂඥ වෛද්‍ය වැඩි දුරටත් සඳහන් කළේය.
Facebook Comments
