ජනපති කැමති අගමැතිට එරෙහිව තවත් විශ්වාස භංගයක් ඉල්ලයි

0
1285
wedding people

තම මනාපය පරිදි අගමැති ධුරයට පත් කරන ලද හිටපු ජනපති මහින්ද රාජපක්ෂට එරෙහිව තුන්වැනි වරටත් විශ්වාස භංග යෝජනාවක් ගෙන එන ලෙස ජනාධිපතිවරයා ඉල්ලා සිටී.

දෙවතාවක්ම පාර්ලිමේන්තු විශ්වාසං භංගයෙන් පරාජය කරන ලද මහින්ද රාජපක්ෂට පාර්ලිමේන්තුවේ බහුතරයක් නැති බව නැවතත් සහතික කරගැනීම සඳහා විශ්වාස භංග යෝජනාවක් ගෙන එන ලෙස ජනාධිපති මෛත්‍රිපාල සිරිසේන ඉල්ලා ඇත්තේ විපක්ෂ නායකයා ප්‍රමුඛ දෙමළ ජාතික සන්ධානයේ මන්ත්‍රීවරුන් හමුවූ අවස්ථාවේය.

පාර්ලිමේන්තුව නැවත රැස්වීමට නියමිත දෙසැම්බර් 5 දා එම විශ්වාස භංගය යෝජනාව සභාගත කර විද්‍යුත් ඡන්ද විමසීමකින් ලැබෙන ප්‍රතිපලය පිළිගැනීමට ජනාධිපතිවරයා TNA නියෝජිත පිරිස හමුවේ කැමැත්ත පල කර තිබේ.

කෙසේ වෙතත්, මහින්ද රාජපක්ෂට එරෙහි විශ්වාස භංග යෝජනා විවාදයට ගත් මුල් දෙවතාවේම සිදුවූ ආකාරයට ඔහුට හිතවත් මන්ත්‍රීවරුන් පාර්ලිමේන්තුවේ ප්‍රචණ්ඩ නොවීමේ සහතිකයක් ජනාධිපති වරයාගෙන් ඉල්ලා සිටියේ වත්, එවන් සහතිකයක් ලැබුනේ වත් නැති බවයි විපක්ෂ නායකයා පවසන්නේ.

මහින්ද රාජපක්ෂට බහුතරයක් නොමැති බව ජනාධිපතිවරයා පිළිගත් බව සාකච්ඡාවෙන් අනතුරුව ජනාධිපති ලේකම් කාර්යාලයෙන් පිටතදී චාර්ල්ස් නිර්මලනාදන් මන්ත්‍රීවරයා මාධ්‍යවේදීන් හා කියා සිටියේය.

Facebook Comments