මෙරට ක්‍රීඩක ක්‍රීඩිකාවන් සඳහා නිසි මුදලක් ලබා නොදීම තුළින් ඔවුන් වෙනත් ආකාරයකින් මුදල් සොයා ගැනීමට පෙළෙඹීමේ අවධානමක් පවතින බව ක්‍රීඩා අමාත්‍යවරයා ප්‍රකාශ කර තිබේ.
ක්‍රිඩා ක්ෂේත්‍රයේ සිදුවන වංචා දුෂණ මැඩපැවැත්වීම සඳහා නව නිතිරීති ගෙන එන බව මෙන්ම ක්‍රිඩා සංගම් සම්බන්ධයෙන්ද විමර්ශන කටයුතු සිදු කරණ බවට අමාත්‍ය හරීන් ප්‍රනාන්දු 28 බ්‍රහස්පතින්දා ශ්‍රී ලංකා උත්තේජක මර්දන නියෝජ්‍යායතනය විවෘත කිරීමේ අවස්ථාවට එක් වෙමින් කියා සිටියේය.
ඇතැම් පුහුණුකරුවන් තමන්ගේ තත්ත්වය ඉහළ නංවා ගැනීම සඳහා ක්‍රිඩකයන්ට යම් යම් ඖෂධ වර්ග ලබා දෙන බවට ද අමාත්‍යවරයා චෝදනා කළේය.
අසියාවේ පලමු වතාවට ශ්‍රී ලංකාවේ තරග පවාදීම් සම්බන්ධයෙන් නව නිති රෙගුලාසි පනවන බව කී අමාත්‍ය හරීන් ප්‍රනාන්දු තරගයක් පවා දෙන්නෙකුට වසර 5ක සිර දඬුවමක් සහ රුපියල් මිලියන 5ක අවම දඬයක් නියම කිරිමට පනතක් සම්මත කර ගන්නා බවද වැඩි දුරටත් පැවසීය.
Facebook Comments
