දේශපාලන කුමන්ත්‍රණයෙන් අහිමි IMF ණය නැවත ලැබෙයි

0

ජනාධිපතිවරයා විසින් නීති විරෝධි ලෙස මහින්ද රාජපක්ෂ අගමැති ධුරයට පත් කරමින් සිදුකල දේශපාල කුමන්ත්‍රණයෙන් රටට අහිමිව ගිය ඩොලර් බිලියන එකහාමාරක ණය මුදලේ 6 වන වාරිකය ශ්‍රී ලංකාවට මුදා හැරීම සඳහා ජාත්‍යන්තර මූල්‍ය අරමුදල කැමැත්ත පළ කර තිබේ.

එමෙන්ම ණය මුදලේ කාලය වසරකින් දීර්ඝ කිරීමටද ඔවුන්ගේ අනුමැතිය ලැබී ඇති බවයි මූල්‍ය අරමුදල නිකුත් කල නිවේදනයක දැක්වෙන්නේ.

නැවතත් රට තුළ දේශපාලන වාතාවරණය යහපත්වීමත් සමග මූල්‍ය අරමුදලේ නියෝජිතයන් කණ්ඩායමක් දිවයිනට පැමිණ රජයේ බළධාරීන් සමඟ කල සාකච්ඡාවක ප්‍රතිඵලයක් ලෙස ණය වාරික යලි පිරුනැමීමටයි මූලික එකගතාවයකට එළැඹී ඇත්තේ.

අඩාල වී තිබූ ශ්‍රී ලංකා ආර්ථීකය මේ වනවිට යථා තත්වයට පැමිණෙමින් ඇති බවද මූල්‍ය අරමුදල නිකුත් කල නිවේදනයේ සඳහන් කර ඇත.

මෙම වසරේදී මෙරට දළ දේශීය නිෂ්පාදිතයේ වර්ධන වේගය සියයට 3.5 ක් දක්වා වර්ධනය වනු ඇති බවටද ජාත්‍යන්තර මූල්‍ය අරමුදල විශ්වාසය පළ කර තිබේ.

ජාත්‍යන්තර මූල්‍ය අරමුදලෙහි නියෝජිතයන් මෙරට සිදුකල සංචාරයේදී අග්‍රාමාත්‍ය රනිල් වික්‍රමසිංහ, මුදල් අමාත්‍යවරයා, මහ බැංකු අධිපතිවරයා ඇතුලු රජයේ ඉහළ පෙලේ නියෝජිතයන් රැසක් හමුවී සාකච්ඡා පවත්වා තිබුණි.

Facebook Comments

wedding people