ජාතීවාදී මකරුන්ට එරෙහි ක්‍රීයාත්මක වීම සඳහා ජනතාව පෙළ ගැස්වීමට රජය කටයුතු කළ යුතු බවට යහපාලන රජය බිහි කිරීමට මුල් වු වික්‍රමබාහු කාරුණාරත්න පවසනවා.
බලය බෙදා රට එක්සත් කිරීමේ ව්‍යාපාර‍ය විසින් අද (07) පැවැත්වු මාධ්‍ය හමුවකට එක්වෙමින් නව සම සමාජ පක්ෂයේ නායකයා මේ බව පැවසීය.
මෙරටේ ලක්ෂ ගණනක් වු ජනතාව යහපාලනය බිහි කළේ ජාතිවාදයට ,ආගම්වාදයට හා හොරුන්ගේ එම ක්‍රියා නැවැත්වීමට බවයි ඔහු අවධාරණය කර සිටියේ.
ජාතිවාදීන් ආගම්වාදීන් මර්ධනය කරමින් මෙරට තුළ විවිධ ජාතීන්ට විවිධ ආගම් අදහන්නන්ට ජිවිතවීමට හැකි පරිසරය නිර්මාණය කිරිම නියම යහපාලන බවයි නව සම සමාජ පක්ෂ නායකයා පෙන්වා දෙන්නේ.
බලය බෙදා රට එක්සත් කිරීම
තමන් ඇතුලු පිරිස ආරම්භ කල බලය බෙදා රට එක්සත් කිරිමේ ව්‍යපාරය ශක්තිමත් වී ඇති බවත් එය විනාශ කිරීමට මහින්ද රාජපක්ෂ ඇතුළු කල්ලිය සුදානම් වන බවට ඔහු අනතුරු ඇඟවීය.
හදිසි ව්‍යවස්ථා සංශෝධනය රට බෙදීමක් බවට ඔවුන් අසතය ප්‍රචාර ගෙන යමින් රට තුළ ජාතිවාදය අවුස්සමින් සිටින බවට වික්‍රමබාහු කරුණාරත්න චෝදනා කළේය.
නව ව්‍යවස්ථාව සම්මත කිරිම කෙරෙහි පාර්ලිමේන්තුවේ සියලු දෙනා එකඟ වී ඇති බව පෙන්වා දෙන ඔහු අවධාරණය කළේ බලය බෙදා රට එක්සත් කරවීමේ වැඩ පිළිවෙල කඩාකප්පල් කිරිමේ අරමුණින් මහින්ද ඇතුළු කල්ලිය මෙම අසත්‍ය ප්‍රචාර දියත් කරන බවයි.
Facebook Comments
